netizen speak

సాహిత్య సేవకులారా, పాఠకులారా బహు పరాక్!

2012-01-27T07:03:00.000-08:00

రచయిత వ్రాయాలి. రాసినందుకు తృణమో ఫణమో పొందాలి. ఆ ఆర్ధిక ప్రోత్సాహం మరిన్ని రచనలు వెలువడడానికి ప్రోది చేస్తే అంతకంటే కావల్సింది ఏముంది?

కాని రచయితలందరూ భాగ్యవంతులు కారు. తమ రచనల ద్వారా తమ భావజాలాన్ని పాఠకులకి అందించడానికి కొందరు రచయితలు తమ రచనల ప్రచురణ కోసం ఇతరులమీద ఆధారపడవలసి వచ్చింది. ప్రచురణకర్తలు వచ్చారు. లాభాసాటిగా ఉంది కాబట్టి ప్రచురణల అమ్మకాల మీద లాభాపేక్షతోనే వారు ప్రచురణ రంగాన్ని వ్యాపారంలో ఒక భాగం చేసారు.

ఈ లోపు హక్కుల ప్రశ్న వచ్చింది. అంటే కాపి రైట్స్. కొంత డబ్బు పెట్టుబడి పెట్టి ప్రచురించాను కాబట్టి తన పెట్టుబడికి కొంత కనీసపు హామీ ఉండాలన్నది ప్రచురణకర్త వాదన. రచన తన సృష్టి కాబట్టి రచన మీద తనకు హక్కు ఉండాలన్నది రచయిత వాదన.

నిర్ణీత కాలం లేదా నిర్ణయించిన ప్రతుల సంఖ్యని ఆధారంగా చేసుకుని రచయితలు ప్రచురణకర్తలు ఒక ఒప్పందానికి రావడం మొదలయ్యింది.

రచయిత జీవిత కాలం తన హక్కుల మీద అధికారం ఉంటుంది. రచయిత మరణానంతరం ఆ రచయిత రచనలమీద హాక్కులెవరికి చెందుతవి అన్నది ప్రశ్న. రచయిత జీవిత కాలం తరువాత అతని వంశస్థులకి కూడ ఆ రచయిత రచనల మీద హక్కులు చెందాలన్న వాదనలో న్యాయం ఉంది కాబట్టి బెర్న్ కంన్వెషన్ ప్రకారం ఒక రచయిత తన రచనల మీద తన జీవితకాలం, తన మరణానంతరం యాభై సంవత్సరాలు, హక్కులు కలిగి ఉంటాడని ఇదే అంతర్జాతీయ ఒడంబడిక అని ఐక్య రాజ్య సమితి సభ్య దేశాలు నిర్ణయించుకున్నాయి. ఇది రచయిత కనీస ప్రాధమిక హక్కు అని కూడ తీర్మానించుకున్నవి.అంతే కాక తమ రాజ్యాంగానికి అనుగుణంగా ఈ మౌలికమైన హక్కులకు భంగం వాటిల్లకుండా ఆయా దేశాలు తమకంటూ ప్రత్యేకమైన హక్కులు / చట్టాలు కూడా చేసుకోవచ్చని తీర్మానించుకున్నవి.

ఇది స్థూలంగా రచయితలు, రచనలు, వాటి పై హక్కుల విషయం.

ఇక ఆంధ్ర దేశానికి, తెలుగు సాహిత్యానికి వద్దాము.

రాజకీయ భావజాలాన్ని ప్రజలలోకి తీసుకువెళ్ళి వారిని చైతన్య వంతుల్ని చెయ్యాలని, మత పరమైన తమ నమ్మకాలను పుస్తకాల ద్వారా ప్రజలలోకి తీసుకువెళ్లాలని కొన్ని మత సంస్థలు, శాస్తీయ విజ్ఞానంతో, ప్రజల మత మౌఢ్యాలని, మూఢ నమ్మకాలని తొలగించాలన్న ఆశయాలతో మరికొన్ని, ఇలాగా కాలానుగుణంగా వివిధ రకాల ప్రచురణ సంస్థలు తమ కార్యకలాపాలను మొదలుపెట్టినవి.

నేడు రాజకీయ సిద్ధాంతల వ్యాప్తికోసం మొదలైన ప్రచురణసంస్థలు, తగిన తగ్గింపులిస్తే నిత్యానంద స్వామి రంకు పురాణాన్ని, దానితొ పాటే దస్ కాపిటల్‌ని, భగవద్గీతని, బైబులుని, ఖురానుని కలిపి టోకున అమ్మేయ్యడానికి కూడా వెరవడం లేదు. శవాలమీద పేలాలు ఏరుకునే రకాలు ఇవి. (వామ పక్షా సిద్దాంతాల పునాదుల మీద నిర్మించిన ప్రచురణ సంస్థలు కూడా ఇలాంటివాటిని ప్రోత్సహించడం, ఆ సంస్థల కార్యకలాపాలను నిర్దేశిస్తున్న సమితి సభ్యుల ఇంటలెక్యుయల్ బాంక్‌రప్ట్సి (Intellectual bankruptcy) కి నిదర్శనం).

ఇది ఒక ఎత్తైతే, కాపిరైటా అదేమిటి అని ప్రశ్నించే కారల్ మార్క్స్ రోడ్డు ప్రచురణకర్త గోదాముల నిండా ప్రభుత్వ పాఠ్య పుస్తకాలని కూడబెట్టి నల్లబజారులో అమ్ముకుంటున్నాడు.

ఇదే అదనుగా 'కలాపోసన' చేసే కలాపోసకులు లాగా, సాహిత్య సేవ జేసే సాహిత్యసేవకులు మొదలయ్యారు. వీరి పనేమిటంటే, వారసులు లేకుండా చనిపోయినవారి పుస్తకాలని ప్రచురించడం. వీరి పరిస్థితి మరీ ఘోరం, దారుణం.

ఈ ప్రచురణకర్తలు వారి జేబులో నుంచి పెట్టు బడి పెట్టి చేస్తున్నారా అంటే అదీ లేదు. ప్రజల మీద, పాఠకుల మీదా పడి చందాలు పీక్కుని, లాక్కుని పుస్తకాలు ప్రచురించడం. అదేమిటంటే సాహిత్య సేవ అనెయ్యడం.

పాపం కొంత మంది పాతకులు కామోసు అనుకుని ఈ ప్రచురణ కర్తలని తమ భుజాల మీద మోస్తున్నారు.

ఈ సాహిత్య సేవ చేస్తున్న ప్రచురణకర్తలకొక సూచన.

సాహిత్యసేవ చెయ్యండి. ఇది విరాళల రూపంలో వచ్చిన సొమ్ము. ఈ పుస్తకానికి ఇంత ఖర్చు ఐనది. మిగిలినది ఇంత. దీనితో ఈ పుస్తకము ప్రచురిస్తాము, లేదా ఈ సాహిత్య సేవా కార్యక్రమం చేద్దమనుకుంటున్నాము అని చెబితే బాగుంటుంది. అంతే కాని, అడిగేవాడు లేడు కదా అని ఈ ప్రచురణ కర్తలు ఇలా చెయ్యడం బాగోలేదు. దీన్ని సాహిత్య సేవ అనరు. సాహిత్యం పేరుతో జరిగే "సాహిత్య దోపిడి" అంటారు.

పా.సూ:

ఒక పుస్తకాభిమాని విజ్ఞప్తి లో కొంత పాఠం :

.... ఈ బృహత్కార్యంలో భాగం గా దాసరి సుబ్రమణ్యంగారు ఒకప్పుడు యువ, బొమ్మరిల్లు, ప్రమోద వంటి బాలల మాసపత్రికలకోసం రచించిన "అగ్ని మాల", "మృత్యులోయ" సీరియల్స్ ను సంపుటిగా పోయిన యేడాది మన ముందుకు తెచ్చారు. ఈ సారి "కపాల దుర్గం" తో పాటు మరొక ఇరవై సీరియల్స్ ను మన ముందుకు తెచ్చే మెగా ప్రాజెక్టు కు సిద్ధ పడ్డారు. ఈ బృహత్కార్యం లో ఆయనకు తెలుగు భాష మీద బాల సాహిత్యం మీద మక్కువ ఉన్న అభిమానుల అండదండల అవసరం చాలా ఉంది. మనం చేసే ఏ చిన్న సహాయమైనా చాలా విలువైనదే.

మీకు వీలున్నంత వరకూ ఎంత చిన్న ఆర్ధిక సహయామైనా సరే అది మనం ఒక రోజు ఆటో ఎక్కితే ఖర్చయ్యేంత చిన్నదైనా, ఒక రోజు ఏ పిజా హట్ కో వెళ్ళి సంబరాలు జరుపుకున్నంత పెద్దదైనా, మీకు తోచిన సహాయం అందించి ఈ కార్యాన్ని విజయవంతం చేయండి. బాల సాహిత్యాన్ని బ్రతికించండి. ఈ లేఖని చదివి చెత్త బుట్ట లో కి నెట్టివేయకుండా మీకు తెలిసిన నలుగురు మిత్రులకి పంపండి. మనం నిత్యం ఎన్నో స్పాం లేఖలని పేరు పేరునా ఎందరో మితృలకి పంపుతాము, దానివల్ల ప్రయోజనం ఉన్నా లేకపోయినా. ఈ లేఖ చదివి ఏ కొంతమంది స్పందించినా మన భావి తరానికి చక్కటి సాహిత్యాన్ని వారు జీవితాంతం గుర్తుపెట్టుకునేలా బహుమతిగా అందించిన వారము అవుతాము. ఆసక్తి ఉన్నవారు *** ** **** (...... .... .....ట్)పేరిట చెక్ పంపించగలరు

స్పందించిన ప్రతివారికీ ముందస్తుగానే కృతజ్ఞతలు తెలుపుతూ

మీ నేస్తం
****

నేనెవరు?

నేను వృత్తిరీత్యా సాంకేతిక నిపుణురాలిని, ప్రవృత్తి రీత్యా పుస్తకాభిమానిని, స్వస్థలం భాగ్యనగరం. నాతరం పిల్లలు చాలా మందిలాగానే తెలుగులో పుట్టి, పదవ తరగతి వరకూ తెలుగు మాధ్యమంలో చదివి, ఆ తెలుగు తీయతనానికి ముగ్ధురాలినై తెలుగు సాహిత్యం మీద మక్కువ పెంచుకున్న సామాన్యురాలిని. తెలుగులో ఉత్తమ సాహిత్యం కరువైపోతోంది అని బాధపడుతూ కూర్చోకుండా నాకు చేతనైనంతలో ఏదైనా చేయాలి అని తాపత్రయ పడుతున్న పాఠకురాలిని, అంతే.

ఇదేమి ఉద్యమమయ్యా! కోదండరామయ్య?

2011-10-17T01:26:00.000-07:00

Airports are open
Autos pick and drop,
Banks are open,
Bars are open,
Buddies are open
Buses ply,
Cemeteries are open,
Cinema theaters are open,
Clubs are open,
Cricket Tests are open,
Curry points are open,
Dabbas are open,
Eateries are open,
Election booths are open,
Gyms are open,
Hospitals are open,
Malls are open,
Media houses are open,
Petrol bunks are open,
Prostitution dens are open,
Public toilets are open,
Pubs are open,
Saloons are open,
Sweet shops are open,
Vegetable markets are open,
కాని
విద్యాసంస్థలు మాత్రం మూసెయ్యాలి!.
ఇదేమి ఉద్యమమయ్యా!

అతన్ని చంపేయొద్దు. బ్రతకనివ్వండి, ప్లీజ్!

2011-05-18T19:53:00.000-07:00

ఈ "అన్నపూర్ణ" లొ అన్నదాత కళ్ళనుండి కారుతున్న ఆ కన్నిరుని చూస్తే ఈ పాలకులని, వారి తొత్తులైన అధికారులని కాల్చి పారెయ్యాలని పించడం లేదు?
దుర్మార్గులు.
కడుపుకి అన్నం తింటున్నారా ఇంకేమన్నా తింటున్నారా?
ఈ రైతన్నకి సంఘీభావం తెలుపుతూ కనీసం ఒక పూట ఐనా అన్నం తినడం మానెయ్యాలి. నావంతుగా నేను ఆ పని చేస్తున్నాను.

నేటి ది హిందులో వార్త

సందేహము వలదు, వలదు!

2011-03-22T01:44:00.000-07:00

..వారిని దండించ వలసినదే!

నేటి ఈనాడులో వార్త

సాక్ష్తాత్తు ప్రజలు ఎన్నుకున్న ఒక చట్టసభ సభ్యుడిని, ఆ చట్ట సభ ఆవరణలోనే కొట్టమని ప్రోత్సహించిన వారు కూడా చట్ట సభ సభ్యులే. ఆ ప్రోత్సహించిన వారే ఈ నాడు ఆ వాహన చోదకుడిని ప్రభుత్వం ఉదారంగా విడిచెయ్యమని కోరడం లో ఔచిత్యం ఏమిటి?

ఇదేమి రాజ్యం?

ఇదేమి పాలన?

ఇదేమి ప్రాంతీయవాద సమర్ధన?

తెలుగు పత్రికలు - తెలంగాణా వాదము

2011-03-15T05:57:00.000-07:00

సమైక్యాంధ్ర ప్రదేశ్ కావాలని కోరుకుంటున్న ఒకానొక ఐక్య కార్యాచరణ సమితికి అందిన ప్రతిపాదనలు ఇవి:

తెలంగాణ పై పత్రికలు, టి.విల పక్షపాత ధోరణి

విజయవాడ నుంచి తెలుగు పత్రికారంగం హైదరాబాదుకు మారడంతో సమైక్యాంధ్ర వాదానికి తన వాణి వినిపించడానికి, ఎదుటి వారు చేసే
పసలేని వాదనలను ఖండించడానికి ఎటువంటి ప్రసార మాధ్యమాల సహాయము లభించడం లేదు.

పత్రికలు, టీవీలు తమ కేంద్ర కార్యాలయాలు హైదరాబాదులో ఉండడం తో, ప్రాంతీయవాదుల దాడులకు భయపడి తెలంగాణ వాదానికే తమ జర్నలిజాన్ని పరిమితం చేస్తున్నాయి.

ఈ మధ్య కాలంలో కొన్ని పత్రికలు సీమాంధ్ర ప్రజలు తెలంగాణ నివ్వడానికి రాజీ పడినారని, కొందరు స్వార్థ రాజకీయ నాయకులు, పారిశ్రామిక వేత్తలు మాత్రమే తిరిగి ప్రజలను రెచ్చ గొడుతున్నాయని సమైక్యాంధ్ర భావనను దెబ్బతీసే విధంగా సంపాదకీయాలను, వార్తలను వ్రాస్తు న్నాయి.

ఇటువంటి పరిస్థితులలో సమైక్యాంధ్ర వాదులు తమ వాదనను వినిపించడానికి క్రింది చర్యలు తీసుకోవాలి.

1 తెలంగాణ ప్రజలు నాయకులు చేసే తమ వాదనలను పత్రికలు నిరభ్యంతరంగా ప్రచురించవచ్చు. కాని ఆ వాదనలను ఖండించే వార్తలను, ఉత్తరాలను, సమాచారాన్ని ఈ పత్రికలు తప్ప కుండా ప్రచురించాలి.

2 తెలంగాణవాదుల కిచ్చే ప్రాముఖ్యత సమైక్యాంధ్ర వాదులకు కూడా తమ వాదనలను వినిపించడానికి ఇవ్వాలి.

3 తెలంగాణ సామాన్య ప్రజలను రెచ్చగొట్టే నాయకుల ప్రకటనలను ఖండించడానికి సమైక్యవాదులు ఇచ్చే సాక్షధార ప్రకటనలను ఎటువంటి మార్పులు లేకుండా ప్రచురించాలి.

4 ఈ కార్యక్రమములో పత్రికలు టీవీలు ఆంద్ర, తెలంగాణ ప్రాంతాలకు విభిన్న పత్రికలు ప్రచురణ, పంపిణి. ప్రసారాలు చేయరాదు. తెలంగాణా నాయకులు చేసే అసంబద్ద వాదనలలోని మర్మం తెలంగాణ సామాన్య ప్రజలకు కూడా తెలియాలి.

5 సమైక్యాంధ్రుల న్యాయమైన ఈ కోరికలను అంగీకరించని పత్రికల పంపిణి ని, టీవిల ప్రసారాలను సీమాంధ్ర ప్రాంతాలలో నిలిపి వేయాలి.

- * -

అందిన ఆ ప్రతిపాదనలన్నింటిని తీర్మానాలుగా అంగీకరించి వాటిని తెలుగు ప్రసార మాధ్యమాలకు తెలిపింది, ఆ ఐకాస.

ఇక వివిధ పత్రికలలో ఆ ప్రతిపాదనలు వెలువడిన విధంబెట్టినదన్నది పాఠకులు, ఆ పత్రికలలో వెలువడిన పాఠములని జదివి తెలుసుకొనగలరు.

వార్త పత్రికలో

ఆంధ్ర జ్యోతి దినపత్రికలో

ఈనాడు పత్రికలో

సూర్య దినపత్రికలో

"రాబొయ్యే రాష్ట్రాన్నికి కాబొయ్యే ముఖ్యమంత్రిని నేనే"అని ప్రకటించుకున్న ఆమాత్యులు ఆనాడు ఎక్కడున్నారో చూడండి!

తెలుగు వెలుగుల మూర్తి నిక్షిప్త కళా ప్రాంగణం
ప్రారంభోత్సవ సందర్భం‌ తేది ౧ నవంబరు ౧౯౮౬

మెరక వీధి అభిమానులకు ఒక సాహితీకారుని విజ్ఞప్తి

2011-02-28T05:41:00.000-08:00

"
అయ్యా:
"మెరక వీధిలో సాని కొంపల్లోని జీవుల మీద ఒక తూలనాత్మక పరీశీలనా వ్యాసం వ్రాయలని సంకల్పంచాను. కాబట్టి సదరు మెరక వీధిలో వేశ్యగాగాని, విటుడిగా కాని, డాఫరుగా గాని, లోఫరుగాకాని, మరొహ విధంగా కాని 2010, డిసెంబరు ౩౧న గడిపిన కాలం తాలుకు అనుభవాలను, వాటి తాలూకు మరకల జ్ఞాపకాలను, క్రింది విలాసమునకు నేరుగా పంపవలసినదని ప్రార్ధన.

గమనిక: మెరక వీధి సందర్శకులకు మాత్రమే పరిమితం. అన్యులకు కాదు అని చదువరులు గమనింప ప్రార్ధన.

కులాలు అయిపోయినవి.

మతాలూ అయిపోయినవి.

స్త్రీ వాదం, దళితవాదం, ప్రాంతీయ వాదం వగైరాలు ..ఇక మిగిలిఉన్న వాదాలు ఏవో?!

నేటి సాక్షిలో ..

శిశువును పీక్కు తిన్న కుక్క

2011-01-22T19:23:00.000-08:00

"మహా తండ్రి కావడానికి 10 చిట్కాలు"
"30నిముషాలలో పరిపూర్ణమైన తల్లి కండి!"
"గర్భాని నింపుకుని, కని, శిశువుని పారేయ్యడానికి 31 సులువైన మార్గాలు"
"చెత్తకుండిలో మీ సెక్స్ దురదని పారెయ్యడం ఎలా?"
"బాత్‌రూమ్‌లో ప్రసవించడానికి ఏడు మార్గాలు"
"ఇలా కూడ తల్లి కావచ్చు"
"ప్లాస్టిక్ బాగ్‌లో మీ పసిపిల్లని దాయడం ఎలా"
"ముళ్ళ కంపలో శిశువుని వదిలెయ్యడం ఇలా"
" మీ శిశువుని కుక్కలకి, పందులకి అందజేయడానికి ఆరు అద్భుతమైన సూత్రాలు"
"వారం రోజుల మీ పసి కందుని మీ వానిటి బెగ్‌లోనే మడత పెట్టడం ఎలా?"
"24 గంటల్లో శిశువుని వదిలించుకోవడానికి 24 సులభమైన మార్గాలు"

ఒకే సారి మూడు కోర్సుల లో చేరిన వారికి, ప్రత్యేకమైన ప్యాకేజి

"నా శృంగార - నా జీవితం"

మరియు

"కనిపారెయ్యడం నా జన్మ హక్కు"

ఇంటర్‌కోర్సు లలో అనుభవజ్ఞులతో పూర్తి శిక్షణ ఉచితం.

* నేటి ఈనాడు మూడవ పేజిలో వార్త

పుస్తకం ఎవరిది?

2010-12-14T05:27:00.000-08:00

పుస్తకం అంటే లక్ష అక్షరాలు - అరకిలో కాయితం - చిప్పెడు సిరా - చిటికెడు జిగురు మాత్రమే కాదు మహాశయా! ఈ పుస్తకం ఎవరిదసలు? రాసేవాళ్ళదా? అచ్చేసేవాళ్ళదా?అమ్ముకుని సొమ్ము చేసుకునేవాళ్ళాదా? లేక మరెవరిదోనా? అని ప్రశ్నిస్తున్నాడు సాక్షి పృచ్చక్! హౌ ఫెఇర్?

పూర్తి పాఠం ఇక్కడ:

మరి మీ జవాబేమిటి?

పదహారణాల తమిళుడు వెంకటేశ్ బాబు

2010-11-08T06:41:00.000-08:00

మణప్పురం గోల్డ్ వారి ని మెచ్చుకోవాలి. పదహరణాల ఆంధ్రుడికి, తమిళ సాంప్రదాయం దుస్తులు కట్టబెట్టి, తెలుగు వాడి వ్యాపారం కోసం, తెలుగు మాధ్యమంలో ప్రచారం చెయ్యడం!
వెంకటేశ్ బాబు తెలుగు వారి సంస్కృతిని చాటే దుస్తులు వేసుకుని ప్రకటన కి 'సై' అని ఉండవచ్చు కదా?
మరి మన తెలుగు వారు, తమిళ తంబి వ్యాపారం కోసం ఒక తమిళన్ "రజనీకాంత్" కి తెలుగువాడి సంస్కృతిని ప్రతిబింబించే తెలుగు కట్టు కట్టి తమిళంలో ఎప్పుడు ప్రకటనలు ఇస్తారో?

ఈ కళ్ళతో అవి చూడగలమా?

శ్రీ శ్రీ విగ్రహాన్ని తీసెయ్యాలి - జూలురి గౌరిశంకర్

2010-10-26T07:54:00.000-07:00

మొన్న భా.జా.ప విద్యాసాగర్, కలువకుంట్ల చంద్రశేఖర్ గారి తనయుడు తారక రామారావు, ఎదో ఒక సభలో, టాంక్ బండ్ మీద కొమరం భీమ్ విగ్రహానికి స్థలం లేదని ప్రభుత్వం అంటే అక్కడ ఉన్న విగ్రహలని తీసేసైనా తమ కొమరం భీమ్ విగ్రహన్ని వేసుకుంటామని అన్నారంట. అది ప్రస్తుత వివాదానికి నేపధ్యం.

అటుమొన్న శ్రీకృష్ణ కమిటి కి తె రా స ఇచ్చిన విన్నపాలలో ఆంధ్ర పాలకుల పక్షపాతధోరణి కి నిలువెత్తు సాక్షాలు టాంక్‌బండ్ మీద తెలుగు వెలుగుల విగ్రహాలు అని అన్నారు.

ఇక నిన్న సాయంత్ర ప్రయోక్త స్వప్న గారి సారద్యంలో సాక్షి టి వి లో జరిగిన చర్చ లో కొన్న అంశాలు.

ప్రస్తుత ప్రత్యేక రాష్త్ర సాధనకొరకు చేస్తున ఉద్యమ నేపధ్యంలో జూలురి గౌరిశంకర్ ఒక ప్రశ్నను లేవ దీసారు.

జూలురి గౌరిశంకర్, తెలంగాణ రచయితల సంఘం కార్యదర్శి

"తెలంగాణా కొరకు శ్రీశ్రీ ఏం చేసాడు? తెలంగాణా పోరాటాన్ని ఆయన ఎందుకని గుర్తించలేదు? అందుకని ఆయన విగ్రహాన్ని తీసెయ్యాలి. మమ్మల్ని మా ఉద్యమ స్ఫూర్తిని గుర్తించని వారి ని మేమెలా సహిస్తాము?" అని అంటారు శ్రీ జూలూరి.

శ్రీ శ్రీ ప్రాణాలతో ఉండి ఉంటే, ఈ ప్రస్తుత తరుణంలో, "మా తెలంగాణా గురించి నువ్వెందుకు రాయలేదు" అని కచ్చితంగా అడిగే వాడిని అని ఆంటూ, "ఇప్పుడు రాయి" అని కూడా అడిగే వాడినన్నారు.

"మేము మా సుద్దాల హనుమంతు ని, మా కాళోజి ని, మా వట్టికోట ఆళ్వారు స్వామి ని, మా దాశరధి విగ్రహలని అక్కడ వేసుకుంటాం. మేము ఇప్పుడు మా తెలంగాణ కళాకారులకు, కవులకు జరిగిన, జరుగుతున్న అవమానాలను ప్రశ్నిస్తున్న సందర్భంలో మాత్రమే కోస్తాలలోను, రాయల సీమలోను తెలంగాణ కళాకారుల విగ్రహాలను ప్రతిష్టించుతాం అని అనటం లో ఔచిత్యమేమున్నది", అని కూడా ప్రశ్నించారు వారు.

విరసం సభ్యుడు చలసాని ప్రసాద్, (ఫోన్‌ ఇన్‌లో) "ఉన్న విగ్రహాలను తీసెయ్యకుండా, సామరస్యంగా, సృహృద్భావ వాతవరణంలో, సమస్యను, సహేతుకంగా, సంయమనంతో పరిష్కరించుకోవచ్చ" ని అన్నారు. అల్లూరి సీతారామ రాజు మరణానంతరమే కొమరం భీం చనిపొయ్యాడని, ఆయన విగ్రహాన్ని సీతారామరాజు విగ్రహం పక్కనే ప్రతిష్టించవచ్చునని కూడ సూచించారు. శ్రీశ్రీ విగ్రహాన్నో, ఉన్న మిగతా వారి విగ్రహాలనో తీసేయ్యడం మంచిది కాదన్నారు.

ఇక చర్చలోకి వచ్చిన ఎ.బి.కె ప్రసాద్ గారు (ఫోన్‌ ఇన్‌లో) అసలు ఇప్పుడు ఈ విగ్రహాల మీద ఈ చర్చ అనవసర రాధ్హాంతం కాదా అని ప్రశ్నిస్తూ, మఖ్దూం, సురవరం, పోతన ఎక్కడి వారని జూలురి ని ప్రశ్నించారు. ఆ ముగ్గురు నలుగురేనా ? అని శ్రీ జూలురి గారి జవాబు.

ఈ చర్చలో చలన చిత్ర దర్శకుడు - చిట్టిబాబు కూడా పాల్గొన్నారు(ఫోన్‌ ఇన్‌లో). మహా కవి శ్రీశ్రీ ది విశాలమైన దృష్టి అని ఆయనని ఒక ప్రాంతానికి పరిమితం చేయడం తగదని అన్నారు.

ఇక స్వప్న " శ్రీశ్రీ అందరి వాడు కాకుండా, కొందరి వాడయ్యాడా ?" అని జూలురిని ప్రశ్నిస్తే, వారి జవాబు.

"శ్రీశ్రీ అందరి వాడైనా , తెలంగాణా వారికి మాత్రం కొందరి వాడయ్యాడు" అని.

తెలుగు భాష పరిరక్షణ సమితి

2010-10-25T01:15:00.000-07:00

నిన్న అనుకున్నాం, నేడు అది "రాజీవ్‌గాంధి తెలుగు కళా తోరణం" అయ్యింది.
ఇది తెలుగు వారి తెలుగు లలిత కళా తోరణం కాదా?
"రాజీవ్‌గాంధి తెలుగు" కళాతోరణమా?
తెలుగు కళా తోరణం అన్న మకుటానికి వచ్చిన ఇబ్బంది ఏమిటి?
ఇప్పుడు మళ్ళీ రాజీవ్ గాంధి తెలుగు ఎక్కడ నేర్చుకోవాలో!
"తెలుగు భాష పరిరక్షణ సమితి" తిరుపతిలో సమావేశమయ్యింది. మరి భాగ్యనగరం వాసులకు ఆ వార్తని ఎందుకనో ఈ పత్రికల వారు చేరవేయలేకపోయ్యారు. ది హిందు, ప్రత్యేక విలేకరికి, తెలుగు వారి మాతృభాష మీద ప్రేమ 'అతి' అని ఎందుకనిపించిందో! లేకపోతే Telugu zealots అని ఎందుకన్నరో?

హరి హర్షణీయుడు, కాని శివ భక్తుడు శివుడికి భక్తుడు కాదు

2010-10-23T19:44:00.000-07:00

ఓటు వోటు మెషిన్ గురించి మనకి వివరంగా, విడమరిచి, వివరించిన పాపానికి కారాగారంలో పడేసిన మన తెలుగు హరి ని ప్రపంచం గుర్తించి హర్షిస్తుంటే, దానికి హర్షించాలా, లేక ఆ శివభక్తుడి ప్రభు భక్తికి మొకరిల్లలా?

ఈనాడులో హరి మీద కథనం

ఇక శివభక్తుడు, వారి కథ!

మొన్న ఈనాడులో రింగ్ రోడ్డు మీద కథనంలో చాల మంది పెద్ద గద్దల ప్రమేయం ఉందని కుండబద్దలు కొట్టి మరి చెప్పింది. అలాగే ఎమ్.ఆర్. ప్రాపర్టిస్ విషయంలో కూడా బకాసురుల ఆకలి తీరలేదని ప్రసారమధ్యామాలు తెలిపాయి. మధ్యలో ఈ భూముల కి సంబంధించిన పత్రాలున్న కార్యాలయంలో అగ్ని ప్రమాదం. పెద్దల చేతికి మట్టి అంటకుండా పాపం పార్వతివల్లభుడు తన త్రినేత్రంతో అడ్డుకున్నట్టున్నాడు.

అయ్యా, అది అగ్నిదేవుడి వ్యవహరం కదా? ఇందులో ఓంకార నాధుడి ప్రమేయం ఉంది అంటారా? అని సందేహంబు వలదు. ఉంది, ఉంది, వస్తున్నా, వస్తున్నా!

రామకృష్ణా సముద్ర తీరాన ఒక భూ భక్తుడున్నాడు. ఆయన తనదినచర్యని ఓంకార నాదంతోనే మొదలుపెడతాడట. ఆ భక్తుడికి తనమీదున్న భక్తికి మెచ్చిన పార్వతినాథుడు, అతని మీద ఎటువంటి అపవాదుని వాలనీయకుండా, తానే స్వీకరించి తన గరళకంఠలో నిలుపుకుని భక్తుడి సేవలో తరిస్తాడంట.

ఆ సదరు శివభక్తుడే నంట, తెలుగు లలిత కళాతోరణాన్ని, రాజీవ్ కళాతోరణం గా మార్చడానికి ధనం సమకూరుస్తున్నది. ఆర్ధికమంత్రి గా "విపరీతమైన అనుభవం" ఉన్న ముఖ్యమంత్రిగారికి విత్తుకి ఉన్న అర్ధిక బలం తెలుచును గాని, "తెలుగు" పదాన్ని కున్న తీయందనం తెలియకపోవడంలో ఆశ్చర్యమేమున్నది?

మూర్తి గారి వ్యాసాన్ని ఇక్కడ ఈనాడులో చదవండి!

సామాన్యులు శర్మగారు, వారి దండకం

2010-10-15T23:05:00.000-07:00

ఈ పండగ నాడు శర్మ గారి సామాన్యుడి దండకం న్ని చదివి తరించండి!

అదేదో సినిమాలో నూతన్ ప్రసాద్ డవిలాగు గుర్తొస్తోంది, "ఈ దేశం చాల క్లిష్ట పరిస్థితుల్లో ఉంది". నవ్వుకునే వాళ్ళందరూ! కాని ఈ రోజున తెలుగువాడు ఈ దేశాన్ని చూసి బాధపడుతు ఏడవాల్సిన "సందర్భం". శ్రీ శ్రీ అన్నటు, తెలుగు వాడు "ఎటూ చూసిన దగా" కి గురవుతున్నాడు.

ఏమిటీ ఖర్మ మనకి!
ఎక్కడుంది లోపం!
ఈ ఆంధ్రప్రదేశ్‌లో ఎవరు సుఖంగా ఉన్నారు?
తెలంగాణా లో తెలుగు వాడా, తెలంగాణేతర తెలుగువాడా?
ధనికుడా, మధ్యతరగతి వాడా?
స్త్రీలా, పురుషులా?
యువత? పిల్లలా?
ఉద్యోగస్తులా, వ్యాపారస్తులా?
ప్రవాసాంధ్రులా?
ఏ తెలుగు వాడు సుఖంగా ఉన్నాడు?

ఈ భానుమూర్తి పర్యావరణ పరిరక్షకుడు!

2010-10-15T21:40:00.000-07:00

ఈతరం భానుముర్తి

కృషికి, పట్టుదలకి, పర్యావరణ కాలుష్య నియంత్రణకి, నేటి యువతకి, ఆదర్శప్రాయుడు ఈ భానుమూర్తి! రవి అస్తమించని బ్రిటిష్ సామ్రాజ్య రాకుమారుడు చార్ల్‌స్ నుంచి "గ్రీన్ అంబాసడర్‌" (పర్యావరణ రాయబారి) పురస్కారాన్ని అందుకున్న తొలి తెలుగు యువకుడు. ఈనాడులో ఈతరం లో ఇక్కడ ఈ ఈతరం భానుముర్తి గురించి చదవండి!

భానుమూర్తి ఇక్కడ "ఆకు పచ్చ స్వెటర్‌" ధరించడం కేవలం కాకతాళీయమా?

ఈ చాయాచిత్రాన్ని చూసారా? చెత్తో సెల్‌ఫోన్ పట్టుకుని, చిరునవ్వు చిందిస్తూ కెమరాకి పోజిస్తున్న ఈ "గ్రీన్ అంబాసడర్‌" నిజం గా అభినందనీయుడే! ఆయన కూర్చున్న కుర్చి ని గమనించారా? స్వివెల్ మొడల్ కుర్చి కదూ? అంటే దాని మీద కూర్చుని ముందుకి వెనక్కి ఉయ్యాల లాగ ఊగచ్చు! అటూ ఇటూ రాట్నం బండి మీద లాగ తిరగనూవచ్చు! చక్కగా, వెన్నుమూక మీద అదనపు భారం పడాకుండా, దానికి తగ్గట్టుగా "ఎర్గొనామిక్" గా రూపొదించించి కుర్చి కదూ?

అంతే లేండి, భారత దేశంలోనే ప్రపధమంగా పర్యావరణ అనుకూలమైన "సోయా ఐస్‌క్రీమ్" ఉత్పత్తి సంస్థ ని స్థాపించిన మన తెలుగు యువ తేజం కదా! ఆ మాత్రం సుఖంగా కష్టపడకపోతే ఎలా?

నా అనుమానమల్లా, దాని మీద కప్పిన "పాలిథిన్ పొర" ఎంత గ్రీన్ అని? పర్యావరణ కాలుష్యాన్ని, పచ్చదన్నాన్ని , ఈ భూప్రపంచకం మనది కాదు, మన బిడ్డలది, మన భావి తరాలది అనే మన భానుమూర్తి మరి ఆ పురస్కారానికి అర్హుడేనా అని?

అంతేలెండి, భక్తి దేవుని మీద చిత్తం చెప్పుల మీద అనేగా మొన్న ఆమాత్యులవారు , శ్రీమతి గల్లా అరుణ గారు, ఏకంగా గుడిలోపలికే చెప్పులతో దయచేసారంట.

ష్..ష్.ష్..ష్..ష్..ష్..ష్.. అలాంటివి పట్టించుకోకూడదంటారా సరే లేండి!

కథ ని చదవడం ఎలా?

2010-09-26T22:16:00.000-07:00

సాక్షి దిన పత్రిక సాహిత్యంలో ఒక కొత్త శీర్షిక: ఎంపు.
కొన్ని పదాలు మనం మరిచిపోతున్నాం. చాల మంది నేటి జాలం పాఠకులకి ఈ పదం ఉందని తెలిసే అవకాశం ఉందా అన్నది పక్కన బెడితే, అసలు అర్థం అవుతుందోలేదో అన్న అనుమానం ఉండనే ఉంది.
గొల్లపూడి మారుతీరావు గారు, శ్రీపాద వారి "అరికాళ్ళ కింద మంటలు" కథని తీసుకుని పాఠకుడుకి, కథని, కథకు రచియిత జోడించిన "తాళింపు‌'ని, దానిని అఘ్రాణించడానికి కావల్సిన దినుసులని (విషయపరిజ్ఞానాన్ని) అందించారు. ఇది చదివిన తరువాతైనా మన బ్లాగ్ పాఠకులు, ఒక కథని అనుభవిండానికి కావలసిన అంశాలు తెలుసుకుంటారని ఆశిద్దాం.
మన తెలుగు భ్లాగర్లు మరిన్ని మంచి కథలు వెలువరిస్తారని, తెలుగు బ్లాగ్‌లోకంలో కథలకు ఇదోక మంచి "మళుపు" అవుతుందని ఆశిస్తూ..

నువ్వే మడత కొజ్జావు

2010-09-20T19:35:00.000-07:00

రామాయణం లో పీడకల వేట అంటే ఇదే మరి. వాడు తిట్టాడు, సరే. అది నీకు వార్త. ఒక విలేకరి గా నువ్వు వార్తని నీ పాఠకుడికి అందజేయ్యాలి. నీ కూతురో, కొడుకో మనవడో, మనవరాలో ఆ పదానికి అర్థం అడుగడం జరుగుతుంది. సరే నీకు తోచిందేదో చెప్పుకుంటావు. అది నీ స్వంత వ్యవహారం.
ప్రతి రోజు మూడు రూపాయలు పెట్టి కొనుక్కుని ఈ 'కస్మాలం' మేము చదువుకుని నిన్ను ఉద్ధరించాలా?
అసలు అది నవ్వా లేక నువ్వా?
ఆత్మశోధన చేసుకోవాల్సింది నువ్వా? నేనా?
ఎక్కడ దొరికావయ్యా నువ్వు?
నీకు తెలుగు నేర్పింది ఎవరు?
ఇంతకంటే నీకు ప్రశ్నలు సంధించడం మా వల్ల కాదు.
"వారి" స్థాయి కి దిగజారి మేము అడగలేము.
వార్తని చేరవేయడంలోని నీ పాత్రికేయ జిజ్ఞాసని, నీ పాత్రికేయ వృత్తి పట్ల నీ కున్న నిబద్ధతని, నీ ఉచితానుచిత 'విజ్ఞత‌' ని ప్రశ్నించలేము.
భరిస్తాం.
మరో నార్ల కోసం, మరో కృష్ణారావు కోసం, మరో విశ్వం కోసం ఎదురు చూస్తాం!
వస్తారు!!
తప్పకుండా వస్తారు!!!
నువ్వు రాలేదా?
వచ్చిన వాడివి పోకుండా ఉండవా?
నువ్వు పోతావు!
వారు వస్తారు!!
వారిని శత సహస్ర అక్షర కుసుమాంజలలతో అహ్వనిస్తాం!
అక్కున చేర్చుకుంటాం!

* నేటి ఆంధ్రజ్యోతి లో వార్త ఇది

బోలో జై తెలంగాణా చూసిన ప్రేక్షకులు తటస్థులుగా ఎందుకు మారాలి?

2010-08-26T22:58:00.000-07:00

నిజమే, కళలకు, కుల, మత, ప్రాంత భేదాలేవు!

ప్రతి వ్యక్తికి తన అభిప్రాయాలను తెలియజేసుకునే హక్కు ఈ భారత దేశ రాజ్యంగం లో ఉంది అని ప్రతి రాజకీయనాయకుడి ద్వారా ప్రతి పౌరుడికి తెలిసింది. మీరు కూడ భారత దేశ పౌరులు కాబట్టి మీకు కూడ ఆ హక్కు ఉంది. మీ పత్రిక ద్వారా మీ సంపాదకత్వంలోనే తెలుగువారందకి ఆ రాజ్యాంగ హక్కు గురించి గళమెత్తి చెప్పారు. కారాగారానికి కూడ వెళ్ళివచ్చారు.

కాని "ఆంధ్రజ్యోతి " అనే పేరుగల ఆ దిన పత్రిక సంపాదకుడిగా, మీరు ఈ సినిమా చూసిన తరువాత ప్రేక్షకులందరూ "తెలంగాణ వ్యతిరేకులంతా తటస్థులుగా మారిపోవాలి. తరువాత అనుకూలురుగా మారాలి" అని ఎలా అనగలరు?

ఆ పత్రికా సంపాదకుడిగా ఆ మాట అన్నారా, లేక ఒక వ్యక్తిగా మీ అభిప్రాయాన్ని తెలియజేసారా?

అది మీ అభిప్రాయాన్ని ఆంధ్రజ్యోతి దినపత్రిక పాఠకులందరి మీద రుద్దడం కాదా?

ఆంధ్రజ్యోతి దిన పత్రిక యాజమాన్యం లేదా మరియు సంపాదకత్వం ఈ రాష్త్ర విభజనని కోరుకుంటున్నదా?

లేక వ్యక్తిగా మీరు కోరుకుంటున్నారా?

* నేటి (27 August 2010)ఆంధ్రజ్యోతి మె‌యి‌న్ లో "బాక్స్ ఐటం" గా రెండవ పేజిలో వార్త ఇది!

ఏ తెలుగు నేర్పిస్తారో?

2010-08-22T02:10:00.000-07:00

మహా తెలుగు నాడు తెలుగా?
కోస్తాంధ్ర తెలుగా?
సీమాంధ్ర తెలుగా?
తెలంగణా తెలుగా?
అంద్ర దేశం తెలుగా?
తెలుగుతల్లి బిడ్డా లేదా తెలంగాణా తల్లి శిశువా, ఈ తెలుగు?

సిరి పుత్రుల తెలుగా?
భాగ్యవంతుల తెలుగా?
ఉన్నత వర్గాల తెలుగా?
వెనుకబడ్డ సామాజిక వర్గాల తెలుగా?
అణగారిన పేద ప్రజల తెలుగా?
తాజా కలం:

తెలంగాణ తల్లి పేరు పెట్టాలి

దీన్ని బ్లాక్‌మైల్ అనకపోతే ఇంకేమంటారు?

2010-08-19T00:21:00.000-07:00

పాపం శ్రీనివాస్! ఏదో సినిమా తీసుకుని తన దర్శక దక్షతని నిరూపించుకుందా మని అనుకుంటే, ఇలా వారి చేతిలో తన సినిమా 'బద్నాం‌' అవుతుందని కాని, తను చలనచిత్ర రంగ చరిత్రలో 'బద్మాష్‌' గా మిగిలిపోతానని గాని అనుకుని ఉండడు.

క. ఎప్పటి కెయ్యది ప్రస్తుత మప్పటి
కా మాటలాడి యన్యుల మనముల్‌

నొప్పింపక తా నొవ్వక

తప్పించుక తిరుగువాడు ధన్యుడు సుమతీ !

* 18 ఆగస్టునె వెలువడిన ఆంధ్రజ్యోతి /చిత్రజ్యోతి లో వార్త!

ఇది స్వాగతించవలైసిన పరిణామమేనా?

2010-07-26T23:22:00.000-07:00

దాదాపు రెండేళ్ళ క్రితం నెటిజన్ వ్రాసిన ఒక టపా కి ఈ ప్రకటన ఒక పొడుగింత.

ఈ మధ్య విపరీతమైనధోరణులు.

లైంగికవేధింపులు..అక్రమసంబంధాలు..బలత్కారాలు..మోహం..పరవశం..వయస్సు..ఉద్రిక్తత..
విపరీతమైన ఒత్తిడి..కామాన్నే ప్రేమ, దోమ అనుకోవడం..కలవడం ..విడిపోవడం..వివాహానికి ముందే శారిరక సంబంధం తప్పుకాదని న్యాయ స్థానాల తీర్పు..డ్రాప్‌‌అవుట్ ల హీరోయిజం..ల మధ్య, వివాహేతర సంబంధాలు (అక్రమ సంబంధాలు వేరు) ..వాటి నేపధ్యంలో అందరికి అందుబాటులో ఉన్న ఈ పిల్ వల్ల కలిగే దుష్పరిమాణాలు అనేకం.

ఇక్కడ కృష్ణవేణి ను చూడండి! (ఆంధ్రజ్యోతి కథనం).

ఇప్పుడు ఈ ప్రకటన చదవండి!

ఇది స్వాగతించవలైసిన పరిణామమేనా?

బాశ విచిథ్రంగా వుందంట!

2010-06-07T00:18:00.000-07:00

ఒక కొడవటిగంటి కుటుంబరావు, ఒక ఆరుద్ర, ఒక ఆత్రేయ, ఒక పిలకా గణపతి శాస్త్రి, ఒక రామలక్షి, ఒక మాలతీ చందూర్, ఒక సరోజిని ప్రేంచంద్, ఒక వావిళ్ళ, ఒక విద్వాన్ విశ్వం, ఒక శ్రీ శ్రీ, ఒక పాలగుమ్మి పద్మరాజు, ఒక దాసు వామన రావు, ఒక రాధాకృష్ణమూర్త్రి, ఒక భారతి, ఒక ఆంధ్రప్రభ, ఒక జ్యోతి, ఒక ఎస్. పి, ఒక ఘంటశాల, అందరూ నేటి చెన్నయిలో జీవించిన వారే. ఇడ్లీ సాంబారుతో పాటు, అవకాయలో పప్పు నంజుకుతిన్నవారే! వారి జీవితకాలంలో ఎన్నో వసంతాలను మెరినా బీచిలో సుండల్ తింటూ, ఫిల్టర్ కాఫీని స్టీలు గ్లాసులో ఆర్చుకుంటూ తాగినవారే! వారందరూ తెలుగు భాషని తమ శక్తిమేరకు ఉన్నత శిఖరాలధిరోహించడానికి సేవ చేసిన వారు, చేస్తున్నవారు.

ఎప్పుడో, ఎక్కడో తమిళ నాట అది!

మనం ఇప్పుడు ఉంటున్నది, రాష్ట్ర రాజధాని భాగ్యనగరంలో..ఎనిమిది కోట్ల తెలుగు వారు. ఉదయం లేచినప్పటి నుంచి రాత్రి నిద్రలో కూడా తెలుగులో కలలు కనే అవకాశం ఉన్న రోజులివి.
మరి మనకెందుకీ మాయదారి రోగం వచ్చింది?

ఇంకేమి దొరక పుచ్చు కోలేకపొయ్యావా? రెండవ భాగం

2009-12-08T04:24:00.000-08:00

* గతంలో ఓక సారి వెలువడిన టపా ఇది. రాజేంద్ర కుమార్ దేవరపల్లి on May 17, 2008 12:50 AM said... 2 ఈ బ్లాగుటపాను తెలుగులో చదవాలని ఉంది అని తమ కోరికని వెలిబుచ్చిన సందర్భంలో మళ్ళీ వెలువరించడమైనది.

తెలుగు విశ్వవిద్యాలయానికి నేర్పేడానికి ఇంకేమి లేవా?
సుమతి శతకం, వేమన శతకం, కృష్ణ శతకం వగైరాలు లేవా?
మన టీ.వి లలో ఆంకరింగ్ చేసేవారికి తెలుగు నేర్పించ వచ్చు కదా?
చౌడప్ప గురించి, వారి శృంగార శతకం గురించి నేర్పించవచ్చు కదా?
ముక్కు క్రింద పై పెదవి మీది శరీరబాగాన్ని తెలుగులో ఏమని అంటారో చెప్పవచ్చుకదా?
పొట్టి శ్రీరాములు విశ్వవిద్యాలయంలో తెలుగువాడు - తెలంగాణా వాడు - క్షురకర్మ ఒక పరిశీలన మీద ఒక సిద్దాంత గ్రంధం ఎలా వ్రాసుకుని దుడ్డు సంపాదించుకోవచ్హో చెప్పవచు కదా?
బొచ్చు పీకుటకు పదహారు పద్ధతులు - గుప్తరోగ నివారణ మీద ఒక ఇంటరు కోర్సు నిర్వహించి వరుమానం పెంచుకోవచ్చు కదా?
ఏబికే ప్రసాదు గారికి అనవసరపు ఆయాసాన్ని తగ్గించవచ్చు కదా?

తెలుగు తల్లిని అవమానించవద్దు

2009-11-10T21:39:00.000-08:00

బుధవారం ౧౧ నవంబరు ౨౦౦౯ లో వెలువడిన,ఆంధ్రజ్యోతి దిన పత్రికలో, జనవాక్యం శీర్షిక లో ఒక ఉత్తరం ఇది.

మరి మీరేమంటారు ?

గ్రంధ చౌర్యమా? భావ చౌర్యమా? ఖదీర్ బాబు రాసిన ఈ కధ చదివి మీ అభిప్రాయం చెప్పరూ? మూడవ భాగం

2009-06-08T22:11:00.000-07:00

మార్చ్ ౨౦౦౯ లో ఖదిర్ బాబు గారి "ఒకవంతు కధ", అమెరికాలో తెలుగునాడి ప్రచురించింది. ఆమేరకు వారి వద్ద నుండి నెటిజన్ కు సమాచారం వచ్చింది.

అదే నెల లో, 'సాక్షి' దినపత్రిక ఆదే "ఒక వంతు కధ" ప్రచురించింది. ఒక ఆసక్తికరమైన విషయం - ఖదిర్ బాబు సాక్షి లో ఉద్యోగస్తులు.

ప్రజాసాహితి, మూడు దశాబ్దాలుగా వెలువడుతున్న "సాహిత్య సాంస్కృతికోద్యమ మాస పత్రిక". వారి జూన్ ౨౦౦౯ సంచికలో "ఒక వంతు కధ" మీద సంపాదకుడు వ్రాసిన "గ్రంధ చౌర్యమా? భావ చౌర్యమా? లేక గొప్పవారి ఆలోచనలు ఒకే విధంగా ఉంటాయా?" అన్న వ్యాసం ఇక్కడ యధాతధంగా పొందుపరచడమైనది.

దానితో పాటు మరొక పాఠకుడు, "సాక్షి" కి వ్రాసిన జాబు కూడ ఉంది. చదవండి.

ప్రజాసాహితి చిరునామ:

ప్రజాసాహితి, c/o మైత్రి బూక్ హౌస్, జలీల్ వీధి, అరండల్ పేట, కారల్ మార్క్స్ రోడ్, విజయవాడ 520 002.

ఖదీర్ బాబు రాసిన ఈ కధ చదివి మీ అభిప్రాయం చెప్పరూ? రెండవ భాగం

2009-04-26T05:55:00.000-07:00

2000 లో The Little Magazine ఒక కధను ప్రచురించింది. అది ఒక హిందీ కధ కి ఆంగ్లాను వాదం.

హింది కధకుడు -నిర్మల్ వర్మ. ఆయన ౧౯౯౯ జ్ఞానపీఠ పురస్కారాన్ని అందుకున్నాడు. అక్టోబర్ 2005 లో మరణించాడు.

ఇక ఆంగ్లానువాదం చేసింది ప్రసన్‌జిత్ గుప్త.

ఇక పైన ఉటంకించిన నిర్మల్ వర్మ హిందీ కధ ఆంగ్లానువాదాన్ని ఇక్కడ, ది లిటిల్ మాగజైన్ లో The day's guest ని చదువుకోండి.

చదువుకున్న తరువాత ఒక వేళ, "అరే ఇది చదివినట్టుందే? " అన్న అనుమానం వస్తే అనుమానం నివృత్తి చేసుకోవడానికి ఇక్కడ ఖదిర్ బాబు వ్రాసిన కధ - ఒకవంతు చదువుకోండి.

ఒక అభిప్రాయానికి వచ్చిన తరువాత, మీకు మీ అభిప్రాయాన్ని పంచుకోవాలనిపిస్తే, ఇక్కడ పంచుకోండి.

తాజా కలం : పునర్ముద్రణల మీద ఒక ఆసక్తి కరమైన విషయాన్ని , అంశాన్ని The Little Magazineలో ఇక్కడ తెలుసుకోండి. మీలో తెలియని వారికోసం మాత్రమే.

* ఈ టపాలో ఉదహరించిన ప్రచురణల మీద నెటిజన్ కి ఎటువంటి హక్కులు లేవు.

ఖదీర్ బాబు రాసిన ఈ కధ చదివి మీ అభిప్రాయం చెప్పరూ? మొదటి భాగం

2009-04-19T19:48:00.000-07:00

జాలంలో తిరుగాడుతున్న ఈ కధను సాహిత్యాభిమానులేవరో పంపారు. ఈ కధ సాక్షి దిన పత్రిక, ౮ మార్చ్, ౨౦౦౯, ఆదివారం అనుబంధం లో ప్రచురితమైనది. చదివి మీ అభిప్రాయం చెప్పరూ?జిప్ ఫైల్ ని ఇక్కడి నుండి దిగుమతి చేసుకోండి. దిగుమతుల సమస్య లేకుండా scribd లో ఇక్కడ ఆన్‌లైన్ లో చదువుకోండి.

+ రెండవ భాగం - మీ స్పందనల మీద సోమవారం ౨౮న

*ఈ కధ మీద నెటిజన్ కు ఎటువంటి హక్కులు లేవు.

"పొద్దు" వెరిచిందా?

2009-04-02T00:14:00.000-07:00

అరిపిరాల వారన్నట్టు ది హిందు పత్రిక ఒక్కటే కాదు, ఆ నాడు భారత దేశం లోని అన్ని పత్రికలు ఎమర్జెన్సి కి వ్యతిరేకంగా, ప్రసారమాధ్యమాల గొంతు నొక్కడాన్ని నిరసిస్తూ తమ సంపాదాకీయ పేజీలను ఖాళీగానో, నల్లరంగుతోనో నింపేసాయి.

దానికి, ఇక్కడ "పొద్దు" చూడలేక కళ్ళు మూసుకోవడానికి సంబంధం ఏమిటో అర్ధం కావడం లేదు.

బ్రిటిష్ వాడి అన్యాయాన్ని ఆనాడు "గాంధి" తరం వాళ్ళు ఎదుర్కొని పోరాడారు కాబట్టే మనకి తెల్లవాడి దాస్యం నుంచి విముక్తి లభించింది. ఈ రోజు కలో గంజో తాగుతున్నాము. ఆ రోజున మన తాతలు ఆ పోరాటం చెయ్యకపోతే మనం ఎక్కడ ఉండేవాళ్ళం?

ఆ రోజున ఒక జయప్రకాష్ నారాయణ నడుం బిగించి, ఇందిర గాంధి ఎమర్జన్సి మీది తిరుగుబాటు చేసాడు. ఆ రోజున రామనాధ్ గోయంకా తన "ఇండియన్ ఎక్స్‌ప్రెస్" పత్రిక తో ఆ నాటి ప్రజా విప్లవానికి సారధ్యం వహించాడు. ముందు నిలబడి పత్రికల ద్వారా ఆ ప్రభుత్వం మీద సమర భేరి ని మోగించాడు. ఆనాటి అరాచకత్వాన్ని ఎండగడుతు పత్రికలు గళం విప్పాయి. ప్రజల పక్షాన నిలబడినవి. అది కూడా అప్పటి పాలకుల దుష్ట దురహంకార ప్రభుత్వానికి వెరవకుండా. కొన్ని వందల వేల మందిని మన జైళ్ళు పొట్టన బెట్టుకున్నవి.

ఫిలిబిట్ లో తన వాచాలత్వాన్ని ప్రదర్శించిన వరుణ్ గాంధి, తండ్రి సంజయ్ గాంధి అక్రమాలకి ఎదురులేకుండా పోయింది.

అనాటి పత్రికా సంపాదకులు తమ కళ్ళ ముందు జరుగుతున్న దానిని చూడలేక కళ్ళు మూసుకోలేదే! తామే గరళ కంఠుడి మూడో నేత్రమై తమ ప్రజకి వారిని చుట్టుముడుతున్న ప్రమాదాన్ని తెలియజేసారే! వారు ప్రాణ భయంతోనో, స్వలాభం కోసమో తమ గొంతు నొక్కుకుని, కళ్ళూ మూసుకుని, చెవులని దాచుకుని మూలకెళ్ళి పొయ్యి నక్కి దాక్కోలేదే!

ఆ సంపాదకులందరూ "అన్యాయాన్ని ఎదుర్కోండి" అని పిలుపునిచ్చారే!
"తప్పు" చేస్తున్న వారందరిని "దోషులు" వీరేనని నిర్భయంగా చెప్పారే!
"వారికి తగిన శిక్ష" ని కూడా సూచించారే!

"పొద్దు" వెరిచిందా? అన్న అనుమానానికి జవాబుగా, ఆలస్యంగా నైనా "..బ్లాగువీక్షణమిక అప్రతిహతంగా కొనసాగుతుందని మనవి చేసుకుంటూ.." న పొద్దుని అభినందిస్తూ..

ఎందుకని ?

2009-03-26T23:21:00.000-07:00

నేడు ఉగాది.
బ్లాగులు ఉగాది పచ్చడి అని, పూజల గురించి టపాలు, శుభాకంక్షలతోను నిండి పోయినవి. మరి నిజమే కదా?
తెలుగువారి పండగ కదా?
ప్రసారమాధ్యమాల సంగతి ఇక సరే, సరి.
ఒక్క విషయం మాత్రం అర్ధం కావటం లేదు.
మన తెలుగు టీ.వి లలోని తెలుగు మగవాడు మాత్రం - కనీసం ఈ పండగరోజున ఎందుకని మన తెలుగు సంప్రదాయాన్ని సూచించే వస్త్రధారణ ని గర్వించడంలేదు.
ఆశ్చర్యకరంగా ఉత్తర భారతీయ "ఆంకరమ్మ" లూ కూడ చీరకట్టు లో కనపడుతున్నారు. మన తెలుగు టి.వి ఆంకర్ లు మాత్రం ఉత్తర భారత వస్త్రధారణ మీద మోజు చూపుతున్నారు.
చిరంజీవి కనపడ్డాడు - భుజాన కండువాతో.
నేడు జరిగిన ప్రమాదం నుండి, జూనియర్ ఎన్.టి.ఆర్ త్వరగా కోలుకుంటాడని ఆశిస్తూ,
వారందరికి, మీ అందరికి ఉగాది శుభాకాంక్షలతో..

ఒక మంచి వెధవ చాలంట!

2009-03-23T11:44:00.000-07:00

ఎడ్మండ్ బర్క్ అనే పెద్ద మనిషి ౧౮వ శతాబ్దానికి చెందిన ఆంగ్లేయుడు.
"All that is necessary for the triumph of evil is for good men to do nothing," అని అన్నాడంటారు.
"ఒక దుర్మార్గం గెలుపుకి, అది తెలిసి ఏమి చెయ్యని ఒక మంచి వాడు చాలు." ఇప్పుడు ఆ ప్రసక్తి ఎందుకంటారా?
చెబుతా. త్వరలోనే చెబుతా!

2008 లో అత్యున్నత మైన చాయ చిత్రం

2009-03-18T00:44:00.000-07:00

వన్యప్రాణ రక్షణ గురించి ప్రపంచం అంతా ఘోషిస్తూ ఉండగా..జోధ్‌పూర్ లోని ఈ బిష్నొయి తల్లి ఆకలితో అలమటిస్తున్న ఈ జింక పిల్లకి తన కూతురితో పాటే స్థన్యాని ఇస్తున్నది. ప్రకృతి మాతకి, మనిషికి మధ్య ఉన్న అద్భుతమైన, అసమాన సంబంధానికి ఇంతకంటే ప్రతీక ఏంకావాలి?

౨౦౦౮ లో ఫొటో జర్నలిజం లో అత్యున్నతమైన చాయ చిత్రం (వార్త) గా - హిందుస్థాన్ టైమ్స్ చాయగ్రహకుడు - హిమాంశు వ్యాస్ చిత్రానికి స్వర్ణ బహుమతిని ప్రసాదించింది - IFRA.

వీరేనా మనం గౌరవిస్తున్న స్త్రీలూ!

2009-03-02T09:05:00.000-08:00

పెద్దలకు మాత్రమే!

ఒక రాజకీయ పక్షానికి చేందిన మహిళా విభాగానికి అధినేత్రి అయ్యినప్పుడు ఆ పదవికి శోభ ని తెచ్చేదిగా ఉండాలి ఆ వ్యక్తి వ్యక్తిత్వం.

గులాబి లా తన సౌరభాన్ని విరజిమ్మాలి. దానిని అస్వాదించి పదిమంది అలాంటి ఉద్యమాలకి నేనంటే నేనని పోటిపడాలి.

కాని ఇప్పుడు ఎవరు, ఎవరితో పడుకున్నారో, ఎవరు ఎవరిని పడుకోబేట్టారో, ఎవరు ఎవరిని ఎవరితో ఎలా పడుకోబెట్టారో, ఎవరు ఎవరిని ఎవరితో ఎక్కడ ఎలా పడుకోబెట్టారో, "పడుకున్నప్పుడు మాసిన బట్ట" ఇది అని ప్రజలందరి మధ్య దులుపుతు ..అసలు ఆ జాతి మీదే వెగటు, అసహ్యం, రోత, జుగుప్స కలుగజేస్తున్న వీళ్ళని చూస్తు ఉండాలా?

వీళ్ళనా ఓటు వేసి గెలిపించి గౌరవించేది?
తెలుగు స్త్రీ ని అవమానించడం కాదా, వీళ్ళని గెలిపిస్తే!

వీరేనా మనం గౌరవిస్తున్న స్త్రీలూ!
ఛీ, ఛీ!

గతంలో కూడ ఇలాగే! ఇక్కడ చదవండి.

అరుణోదయం కావాలి!

2009-01-29T22:22:00.000-08:00

సరే. తుఫాను వెలిసినట్టుందిగా. ఇక మొదలెడుదాం!

అరుణం గారు ఒక కధ రాసారని తెలుగు బ్లాగ్ లోకంలోకి ఒక పెద్దాయన వార్త చేరవేసారు. అప్పటికి అరుణం లో ఆ కధ లేదు. సరేలే, అనుకున్నారేమో, కతే అనుకున్నారు, కతయిత్రి గారు. కాని ఇంత కత అవుతుందని ఊహించి ఉండరు. ఆ కతని తన బ్లాగులో పోస్ట్ చేసేసారు. ఇకనేవుంది. అందరూ పోలోమని అరుణం గారు 'ఎవరికి తెలియని కధలివిలే' చదివేసేసి మాములుగా కొందరనేటట్టు బ్లాగుంది అని, మరి కొందరనేటట్టు అభినందనలు (అంటే అభినందనలు అని కాదు కాని రమారమి అదే అర్ధం వచ్చేటట్ట్లు అని చదువేసుకోండేం) అని వగైరా వగైరాలు గా కమెంటేసారు.

సరే, ఇక ఆ వగైరా, వగైరా లో చేరని వారు కొంత మంది ఉంటారు కదా! అందులో ఒకరు తమకు తోచిందేదో కమెంటారు. అరుణం గారికి అది నచ్చలేదు. బహుశ అది బ్లాగు కర్త దృష్టిలో సంబంధం లేదని పించిందేమో?! అందుకని నాబ్లాగుకి నేనే మహ రాణిని, నాకు నీ కమెంటు నచ్చలేదు కాబట్టి సదరు కమెంటుని తీసేస్తానోచ్ అని తీసిపారేసింది.

అహా! నీ బ్లాగుకి నువ్వు మహారాణివి ఐతే, నేను నా బ్లాగ్ సామ్రాజ్యానికి అస్తమించని రవిని నేను , అంటు సదరు సూర్యుడు గారు తమ బ్లాగులో ఆ పారేసిన, ఏది, ఆ విసిరి పారేసిన కమెంట్ని, మహా ప్రసాదంగా కళ్ళకద్దుకుని తన బ్లాగులో పెట్టుకున్నాడండి. (ఎంతైనా తనుకన్న కమెంట్ కదండి బాబు, కన్న కడుపుకి తెలుస్తుందండి, ఆ కడుపు తీపి )

సరే ఆ దారిన పోయిన దానయ్యలు వూరుకోరుగా! హెల్లొ, సన్ గారు, యేవిటీ కమెంట్, దీని కత ఏవిటి, ముందు వెనక ఫ్లాట్ గా ఉంది, జీరో సైజు లాగున, హెడ్డు, టెయిలూ లేకుండా ఉంది, ఇలా త్రిశంకు స్వర్గంలో పైన ఫాను లేకుండా, కింద స్టూల్ లేకుండా మీ కమెంటు అలా , వ్హిస్కిలో గుడ్డు లాగ తెలుతా ఉంటే, సూడ్డానికి, నిండా కష్టంగా ఉండాది, బేజారుగా ఉండాది అప్పా, అసలు స్టోరి సొల్లప్ప అనగానే సదరు స్కై లోని సన్ గారు తన కంపోస్ట్ (కమెంట్ ప్లస్ పోస్ట్ = కంపోస్ట్ అని చదువుకోండేం? అశుద్దంతో తయారు చేసే కంపోస్టు వేరండి బాబు, అది ఇది గాదు, ఇది అది గాదు) సదరు అరుణోదయ కిరణాలకి (తన కంపోస్టులోనే లెండీ)ఒక గొళ్ళెం బిగించి కూర్చున్నారు.

కాగడ పట్టుకుని చీకట్లో చీకటి పనులు చేస్తున్న ఒక బ్లాగాంధుడి కి సదరు కధ తెగ నచ్చేసి, కధ వెనుక చీకటి లో జరిగిన కధని తన బ్లైండ్ కళ్ళతో ౩డిలో విజుయలైజ్ చేసేసి, నల్ల మందుతో మసక బారిన తన బ్లా(ం)క్ బుర్రతో ఒక కధ అల్లేసి, తనో గొప్ప కధకుడని పిచ్చ, పిచ్చగా ఫీల్ ఐపొయ్యి, ఈ స్క్రీన్ ప్లే అంతా కూడా తెగ నచ్చేసి, అస్సలు ఆ కధలోనే పెద్ద బూతుందని ఇంకా హేమిటేమిటో, హెవిటేవిటో రాసుకున్నాడు.(ట)

దివిటి పట్టుకుని యెతికినా.
కూడలి లో.
లె.
టూబ్ లైట్ ఏసి ఎతికినా.
లే.
అప్పుడు వెలిగింది.
కూడలిలో శరత్త్కాలానికి ప్రవేశం లేదు, అలాగే ఈ కాగడా లైట్ కి కూడా కూడలిలో అవుసరం లేదనిజెప్పి.
ఒసొస్. ఇది ఇక్కడ కనబడదు. జల్లెడెయ్యాల అని. జల్లెడేసినా. అప్పుడు కనబడింది ఆ కాగడ ఎల్తురు.
అప్పుడు వచ్చింది.

కోపం.
చాలా కోపం వచ్చింది.
ఈ బ్లాగుల మీద.
ఈ బ్లాగ్ లోకం పెద్దల మీదాను.

కళ్ళాపి జల్లి, చక్కగా అలికిన వాకిలి అండి. ముగ్గులతో ముద్దుగా, ముచ్చటగా ఉన్న వాకిలండి. దాని మీద ఒళ్ళంతా కురుపులతోను, రసి కారుతున్న ఒక పిచ్చి, గజ్జి కుక్క చండాలం చేసి చీకట్లోకి పారిపోయిదండి. దాన్ని వెతికి పట్టుకుని, దాని జాతి, కుల గోత్రాలతో సహ పరిచయం చేయాల్సిన అవసరం ఉందా? పిచ్చి పట్టిన గజ్జి కుక్క ఇక్కడ ఉంది అని బ్లూ క్రాస్ వాడికో, మునిసిపాలిటి వాడికో ఒక ఫోను కొట్టి దానికి చెయ్యల్సిన ఏర్పాటు చేస్తే పొయ్యేది కదా?

దానికి వాడి కత, వీడి కత, యెంకన్న కత, సుబ్బయ కత సెప్పాలాండి, యేను?

ఎలాగోలాగా ఈ బ్లాగ్ ప్రపంచం లోకి వొచ్చి పడ్డానండి. చాలా మంది సెప్పారండీ, అబ్బో తట్టుకోవడం కట్టం, అందుట్లో ఒంటరి ఆడది తట్టుకోవడం సానా కష్టం అని. నేను తగ్గలేదండి. వెనకడుగువెయ్యలేదండి. కాని సూత్తునే ఉన్నానండి. ఆమధ్య లలితమ్మ గోరు వెళ్ళి పోనారండి. అంతకు ముందే ఒక రచయిత్రి గారు అమ్మ్మో, అంటూ పారిపోయినారంట. మొన్న పూర్ణమ్మ గారు బై చెప్పిసినారండి. నిన్న అరుణం మ్మ గారు టా,టా సెప్పడానికి రెడి ఐపోనట్టు కనబడతాఉందండి.

తెలుగు బ్లాగ్ లోకం లో ఒక ఆడ కూతురు తన ఇష్టం వచ్చినట్టు రాసుకో గలిగిన రోజు ఎప్పుడు వస్తుందో?
అరుణం గారు, మీరు ఇక్కడ దయిర్నంగా మీ కతలు రాసుకోండి!
సభ్య నామాలు, సంకేత పదాలు అఖ్ఖర్లేదండి!
అది శీలం మీదైనా, అశ్లీలం మీదైనా!

మన దేశంలో కుక్కలు రాదారి మీద తిరుగాడుతునే ఊంటాయి.

బయ పడమాకండి!

ఇంత ఆలేసంగా ఈ టపా ఎందుకంటారా?

భవిష్యత్తులో మరి ఇలాంటి పొరబాట్లు జరగ కుండా ఉంటాయనండి!

* ఆడోళ్ళకితోలుమందంగాఉంటేబాగోదండి.

వారు సున్నితంగానే ఉండాలి అని ఒక భవదీయుడి అభిప్రాయం,సుమండీ.

ఫరవా ఉంది

2009-01-22T22:27:00.000-08:00

నిన్న రాత్రి జీ తెలుగు(?) లో, క్రేన్ వక్క పొడి వారు సమర్పించే, ఔత్సాహిక (?) బాల గాయకులను పరిచయం చేసే "లిటిల్ చాంప్స్" అనే కార్యక్రమం ని (రాత్రి ౯ నుంచి ౧౦ దాకా) చూడడం తటస్థించింది. పదాతి దళంలో ఉద్యోగ చేసి, తరువాతి కాలంలో, తెలుగు చలన చిత్ర రంగంలో గేయ రచయితగా స్థిరపడిన -"భువనచంద్ర" ఆ కార్యక్రమంలో ఒక న్యాయ నిర్ణేత. ఆయనతో పాటుగా, కీ.శే. సాలురి రాజేశ్వర రావు గారి మూడవ కుమారుడు , (బాబు మొదటి వాడు, వాసు(దేవ) రావు రెండవ వాడు) సంగీత దర్శకుడు (చిన్న కోటి అనేవాడు ఆఖరివాడు(పెద్ద)) కోటి మరొక న్యాయ నిర్ణేత. ఇంకొ మహిళ మూడవ న్యాయ నిర్ణేత గా పాల్గొన్నారు.

ముందే చెప్పుకున్నట్టు ఇది బాల గాయకులను పరిచయం చేసి, వారిలో అగ్రగాములను ఎంచుకునే కార్యక్రమం. నిన్న చూసిన ఆ కార్యక్రమంలో బాలికలు ౧౨ సంవత్సారాలలోపు పిల్లలే ఎక్కువ మంది ఉన్నారు. ఒక పాప వయసు ౬ సంవత్సరాలు. పాల్గొన్న ఆ ఒక్క బాలుడి వయస్సు ౧౨ సంవత్సరాలు.

ఇక మన న్యాయ నిర్ణేతలు వాడిన తెంగ్లిష్ ఫ్రేజ్ లు మచ్చుకు కొన్ని:

" కొంచెం ప్రాక్టీజ్ చేస్తే బాగుంటుంది".

" ఒ.కే. గుడ్. గాడ్ బ్లెస్ యు".

" బానే ఉంది. కాని తినేస్తున్నావు. అందుకనే ఫీల్ పోతోంది'.

" యూ ఇన్వాల్డ్ యువార్సె ల్ఫ్ ఇం ది సాంగ్. బాగుంది. కీప్ ఇట్ అప్".

"నీది హస్కి వాయిస్. మెలొడి సాంగ్ ఎంచుకున్నావ్".

"సూపర్".

"కాన్ఫిడెంస్ పుట్టలు పుట్టలుగా ఉంది".

"ఈ సాంగ్ ఎందుకు సెలెక్ట్ చేసుకున్నావు?"

"నీ సిన్సియారిటి బాగుంది".

"అవుట్ స్టాండిగ్. సింప్లి సూపర్బ్. సూపర్".

"వండర్ఫుల్".

"సింగింగ్, ఫీల్ సుపర్బ్".

"ఎక్సెల్లెంట్".

"..హిందుస్తాని మ్యూసిక్..కర్నాటిక్ మ్యూసిక్.."

'..రెండరింగ్..".

"అప్ప్రిసియేషన్..".

"ఒరిజినల్ వర్జన్..".

"..కంపొజిషన్..".

"ఆడియంస్ రవుండ్ ఆఫ్ అప్లాజ్..".

"..వందర్ఫుల్ వాఇస్.."

"గాడ్ బ్లెస్ యూ".

న్యాయ నిర్ణేతలుగా తమ బాధ్యతలు నిర్వహిస్తూ,ఆ ౬ నుంచి ౧౨ ఏళ్ల పిల్లలకు,వారి తల్లి తండ్రులకు ప్రోత్సాహమిస్తూ,వారికి తమేదో గొప్ప సేవ జేస్తున్నామని భ్రమిస్తూ,కార్యక్రమాన్ని తిలకిస్తున్న అశేష ఆంధ్ర ప్రజానీకాన్ని వెర్రి వెంగళప్పలను జేస్తు వాడిన ఆంగ్ల పదజాలం ఇది.

ఇక ఆ పిల్లలు, "థాంక్యూ" లు, క్యూ లు కట్టినవి.

ఇంతకి హస్కీ వాయిస్ తో, జార్జియస్ గా ఆ పిల్లలు పాడినవి, తమ విరహన్ని "ఫీల్" తో నింపి పాడిన పాటలు. సదరు కార్యక్రమంలో "సైడ్ కిక్" "మంకి" వాడు ఒకడు, ఆ ౧౨ ఏళ్ళ కుర్రాడి తో వాడి "గెళ్ ఫ్రెండ్" గురించి ముచ్చటీంచాడు.

ఆ ౧౨ ఏళ్ళ కుర్రాడు పాడిన పాటలో ఒక "లీరిక్" -

"కాటుక కళ్ళతో కాటు వేసావు నన్ను ఎప్పుడో".

నాకిప్పుడు, నా కూతురి కళ్ళకి కాటుక పెట్టి, జడలో పూలతో పాఠశాలకి పంపాలని ఉన్నది.

పంపాలా వద్దా అన్నది తెలియడం లేదు.

" ఫరవాలేదు, ఆ కుర్రాడికి "కాండం" లు కూడా జేబులో పెట్టి పంపుతాం", అంటున్నారా?

మీకు ఫరవ లేదు. సరే, కాని నాకు ఫరవ ఉందే!

అప్పుడు, ఇప్పుడు, రేపు

2008-12-21T22:24:00.000-08:00

ఇంకో రెండు రోజుల్లో ముంబాయి దాడి మొదలై నెల పూర్తి అవుతుంది.

కొందరు బాధ పడ్డారు.
కొందరు, ప్రధానమంత్రికి అర్జీలు పెట్టుక్కున్నారు.
కొందరు తమ ఆవేదనని వ్యక్తపరిచారు.
కొందరు భయపడ్డారు.
కొందరు దిగులు చెందారు.
కొందరు ప్రసార మాధ్యమాలని తిట్టారు.
కొందరు కవిత్వం వెలువరించారు.
కొందరు వాపొయ్యారు.
కొందరు ఆ మతంది తప్పు, అంటే మరి కొందరు ఈ మతంది అని అన్నారు.
కొందరు ఆ పార్టిది తప్పంటే, మరి కొందరు ఈ పార్టీది తప్పని అన్నారు.
కొందరు కాండిల్స్ వెలిగించారు.
కొందరు అస్సలు ఈ వ్యవస్థ ది తప్పు అన్నారు.
కొందరు ఆవేశంగా వాళ్ళని చంపెయ్యాలని అన్నారు.
కొందరు రక్తదానం చేసారు.
కొందరు నివాళులు అర్పించారు.

ఐతే,
ఇప్పడు, న్యూ ఇయరి‌ని ఎలా సెలబ్రేట్ చేసుకోవాలని ఆలోచిస్తున్నారు.
ఇప్పుడు, రేపటి సంక్రాంతికి ఎంతలో బట్టలు కొనుక్కోవాలో లెక్ఖలేసుకుంటున్నారు.
ఇప్పుడు, స్వంత ఊరు వెళ్ళడానికి సెలవులకి కారణాలు, కుంటి సాకులు వెతుక్కుంటున్నారు.
ఇప్పుడు, ఏ సినిమా బాగుందోనని చర్చిస్తూన్నారు.
ఇప్పుడు, బాసిని మీద టపాయిస్తున్నారు.
ఇప్పుడు, చికెన్ ధర పెరిగిందని అనుకుంటున్నారు.
ఇప్పుడు, బ్రౌన్ రైస్‌కి "వాళ్ళు" అలవాటు పడ్డారు, మనం తినలేము, పాతికో ముప్పై ఐనా "వైట్ రైస్" కావాలనుకుంటున్నారు.
ఇప్పుడు, వొల్వో కాకపోతే గరుడ లో బుక్ చెయ్యమంటున్నారు.

కాని అప్పుడు, అందరూ ఒక్క మాట మీద నిలబడ్డారు.
అది ప్రస్థుత రాజకీయవాదులందరూ దగుల్బాజిలే అన్నది.

కాని అప్పుడు,అందరూ ఒక్క మాట మీద నిలబడ్డారు.
ఈ వ్యవస్థ మారితే కాని మన అవసరాలు కాపాడేవారు రారు అని.

కాని అప్పుడు,అందరూ ఒక్క మాట మీద నిలబడ్డారు.

కాని ఇప్పుడు, అప్పుడనుకున్నవన్ని మర్చిపొయ్యారా వీరందరూ?

కాబట్టి, మళ్ళీ రేపు వచ్చే ఎన్నికల్లో మళ్ళీ వీరినే ఎన్నుకుంటారా?

లేదు మేమేమి మరచిపోలేదంటారా?
కొత్తవారిని గుర్తించారా?
వారిని నిలబెట్టి గెలిపిస్తారా?

నీ యెంకమ్మా!
"సొద ఆపు", అంటున్నా వా?

నిద్రొస్తొందా?

పడుకో.
జోలపాట పాడ మంటా వా?

నీకు సిగ్గుందా?

హైదరాబాద్ పుస్తక ప్రదర్శనలో ఈ - తెలుగు

2008-12-17T21:02:00.000-08:00

తెలుగులో తెలుగు బ్లాగుల ప్రదర్శన
హైదరాబాదులోని నెక్లెస్ రోడ్డులోని పుస్తక ప్రదర్శనలో
తెలుగు బ్లాగుల మీద ఒక ప్రదర్శన
డిసెంబరు, 20, శనివారం సాయంత్రం 6 - 7మధ్య
బంధు మిత్ర సపరి వార సమేతంగా వచ్చి
ఈ సభని విజయవంతం చెయ్యవలసినదిగా కోరిక.
ఈ వార్తని మీ బంధు, మితృలకి కి కూడ పంపండి.
వారిని రమ్మనండి.
మనం అందరం అక్కడే కలుద్దాం!

ఆంధ్రజ్యోతిలో - బ్లాగ్‌లోకం - ముంబై పేలుళ్ళ - బ్లాగుల పరిచయం

2008-12-06T18:57:00.000-08:00

పొద్దు జాల పత్రిక - ముంబైలో ఉగ్రవాదులు జరిపిన పాశవికమైన మారణకాండపై బ్లాగరులు చాలా విస్తృతంగా స్పందించారు అని చెబుతునే, ఆ బ్లాగులని పరిచయం చేసారు.

అదే కోవలో, ఈ రోజు ( ఆదివారం ౭, నవంబరు, ౨౦౦౮) ఆంధ్రజ్యోతి, నవ్యలో, ముంబై (౨౬ నవంబరు ౦౮) లో మొదలైన బాంబు దాడుల మీద తెలుగు బ్లాగులోకం స్పందన గురించి ప్రత్యేకంగా ప్రస్థావించింది. ప్రస్థావన బాగానే ఉంది గాని, కారణాలు ఏవైన బ్లాగుల చిరునామలివ్వలేదు.

ఆ బ్లాగులు - వాటి జాల చిరునామలు ఇక్కడ ఉన్నవి. చూడండి.

బొల్లోజు బాబా - సాహితీయానం

సిరిసిరిమువ్వ - సరిగమలు

విశాఖతీరాన - ఎన్ని వెన్నుపోట్లు,ఎన్ని కత్తిగాట్లు

లక్షి - మళ్ళీ క్షమించేద్దామా

సన్నజాజి - దారుణం - సిగ్గుచేటు

నాలో నేను - కళ్ళ ముందు కటిక నిజం -- కానలేని గుడ్డి జపం

శ్రీఅరుణం - మన ముంబాయి కోసం

చదువరి - దిగులుగా ఉంది

తెలుగోడు - ఉగ్రవాదులకు మన దేశ ప్రభుత్వాల మీద నమ్మకం....

మధురవాణి - దేవుడా.. ఒకసారి ఇటువైపు చూడు నాయనా.. ఏమిటీ వైపరీత్యం..??

పదమ్ములు -

జ్యోతి - భగవంతుడా!! నీవే దిక్కు!!!

శ్రీదీపిక - మన కర్తవ్యం

జోరుగా హుషారుగా - ఆవేశం ఆవేదన ఆక్రోశం

బుజ్జి - టెర్రరిస్టులకి విజ్ఞప్తి..

కోవెల -                             పౌరుషం లేని పాలకులు
ప్రవీణ్ గార్లపాటి -                ఎన్నాళ్ళిలా ?
విహారి -                            ఈ దుశ్చర్యను ఖండించాలా?
లీలామోహనం -                ముంబై మృతులకు అశ్రునివాళి
మనలో మనమాట -          అశ్రు నివాళి
పర్ణశాల -                        దిగులు..భయం కాదు మార్పుకోరుకునే కోపం కావాలి !
రవిగారు -                        ఎల్లుండికి గుర్తుంటారా?
అంతర్యానం -                   సిగ్గులేని ప్రభుత్వాలు
దుర్గేశ్వర -                       భరతమాతసేవలో మృత్యువును ముద్దుపెట్టుకున్న కర్మవీరులకు నివాళి
కొత్తబంగారులోకం -          బుసలుకొట్టే భయానకమా ! శాంతించు
రానారె -                          యధారాజ తధా ప్రజ
ఉగ్రవాదము                   ఉ. నీచులు దుష్ట వర్తనులు,...

మరి ఇక ప్రైవేటు విద్యారంగంలోను రిజర్వేషన్లు - మరి మీరేమంటారు?

2008-12-05T20:31:00.000-08:00

ఉపాధ్యాయవర్గానికి కూడ రిజర్వేషన్లు కలిపించడానికి రాష్ట్ర శాసన సభ లో ఒక బిల్లుని మన శాసనమండలి సభ్యులు పెట్టి అమోదించారు. ఇక్కడ గమనించవలసినది ఏమిటంటే ఈ రిజర్వేషన్ లు ప్రైవేటు విద్యా సంస్థలు కూడా అమలు పరచాలి.

ఇల్లు అలకగానే పండగ కాదన్నట్టు, దీనికి చట్టం అనుమతికూడా పొందవలసి ఉంటుంది.
మొన్నీమధ్యే ఉద్యొగార్ధుల వయో పరిమితులని కూడ ఈ ప్రభుత్వం సడలించింది.

పక్కనే అభిప్రాయ సేకరణ కోసం ఉంచిన "పోల్" లో మీ అభిప్రాయాన్ని నమోదు చేయండి.
మీరు విడిగా కూడా వ్యాఖ్యానించవచ్చు.
దీని గురించి ఈనాడు లో వార్త ఇక్కడ చదవండి.

పుస్తక ప్రదర్శన ౨౦౦౮

2008-12-02T06:55:00.000-08:00

గురువారం, ఈ డిసెంబరు ౧౮ నుండి,

మన భాగ్య నగరంలోని

నెక్లెస్ రోడ్డులో

పుస్తక ప్రదర్శన

౨ గం ల నుండి రాత్రి ౮-౩౦ దాక.

శని, ఆదివారాలు

౧౨ గం నుండి రాత్రి ౯ గంటల దాకా.

కాబట్టి పుస్తక ప్రియులారా,

ఎప్పటినుండో మీరు కొనుక్కొవాలనుకుంటున్న పుస్తకాల జాబితా రాసుకోండి.

పుస్తకాల పండగ కి సన్నద్ధం కండి!

ఇక్కడ మీకు కావలసిన మంచి పుస్తకాలు కొనుక్కోవడం ఎలా చదవండి!

* మరిన్ని వివరాలకు వేచి ఉండండి.

చిరంజీవి కోటబుల్ - కోట్ - ౧

2008-11-24T23:00:00.000-08:00

పర్వతనేని ఉపేంద్ర ప్రజా రాజ్యం పార్టి లో చేరిన శుభసందర్భంలో - చిరంజీవి కొటబుల్ కోట్;

" పెద్దవాళ్ళకి ఆస్పిరేషన్స్ (aspirations = అభిలాషలు, ఆశలు, కోరికలు మొ.,) ఉండవు, కంసెర్న్స్ (concerns = అక్కర, చింత, వ్యాకులత మొ.,)ఉంటాయి. వాళ్ళేదో లబ్ది పొందాలని రారు. వారు ఆటగాళ్ళకి తర్ఫీదునిచ్చే శిక్షకులు. ఉపేంద్ర లాంటి సుధీర్ఘ అనుభవమున్న నేత చేరటం శుభ పరిణామం. "

* పై చాయా చిత్రం ఈనాడు దిన పత్రిక నవంబరు ౨౫, ౨౦౦౮, పుట ౧౧ నుండి

పర్వతనేని ఉపేంద్ర ఒక సామాన్య రైల్వే ఉద్యోగస్థుడిగా మొదలైనవాడు. మరి ఆ రోజున ఏ "ఆస్పిరేషన్స్" లేకుండానే తెలుగుదేశంలోను, (అప్పుడేనా, సోనియా అంది, "నీ సంగతి తేలుస్తా" అని?), తరువాత కాంగ్రెస్‌లోను, మరి ఈ రోజున ప్రజారాజ్యం పార్టీ లోను చేరింది. మరి ఉపేంద్రగారి దృష్టిలో "ప్రజలు" అంటే ఎవరో? మొన్ననేగా,

"..ఖాళీగా ఉన్నాను, ఏం చెయ్యడం లేదు ,"

అని ఏదో ఇంటర్యూలో వాపొయ్యాడు.

ఎలా సంపాదించుకోవాలి, తన ప్రజలు ("ప్రజలు = తన స్వకుటుంబం - వారి ఆస్తి పాస్తులు ")ని ఎలా సంరక్షించుకోవాలన్న కంసర్న్ (concern) విషయంలో ఆయన ఆచరించి చూపుతాడేమో! దానిని అనుచరగణం గమనించి, అనుసరించి సుక్షితులవ్వాలేమో! ఇటువంటి గోముఖవ్యాఘ్రాలను, వృద్ధ జంబుకాలను చిరంజీవి దూరంగా ఎందుకని ఉంచడో!

Greased Lightbox

→←+-↻

Loading image

Click anywhere to cancel

Image unavailable

Greased Lightbox

→←+-↻

Loading image

Click anywhere to cancel

Image unavailable

ఈ తెలుగు పదాలకు అర్ధం చెప్పరూ!

2008-11-14T22:16:00.000-08:00

మణుకు    =

కక్కి                 =

కచికవన్నె          =

చిత్తరవు            =

కపిలవర్ణం         =

అపాళం            =

పారావతనీలం   =

బనాతు          =

తిక్తసుఖం         =

పిక్కాసు          =

గోడిగ             =

ఇంకొన్ని అనుమానాలున్నవి, అవి తరువాత..

మారుతి సోదరి

2008-10-28T08:00:00.000-07:00

మొట్టమొదటి సారిగా చూసింది, బహుశ రెండవ తరగతిలో. అమ్మాయి ఎర్రగా, సన్నగా ఉంటుంది. చేతులు కూడా పొడవు. వాటి చివర వేళ్ళు కూడ. ఒత్తైన నల్లటి జుట్టు. నూనేతో నిగనిగలాడుతుండే పొడుగాటి జడ. తురిమిన పూలు. నుదుట ఎర్రని తిలకం. శుభ్రంగా ఉండేది. తమ్ముడి పేరు మారుతి. అతను అక్కలాగానే ఉండేవాడు. ఆరోగ్యంగా, శుభ్రంగా. చక్కగా ఉతుక్కున్న బట్టలు వేసుకుని వచ్చేవారిద్దరు. భుజానికి ఖాకి గుడ్డతో ఒక సంచి. నేల మీద చెక్క పీటలు, వాటిముందు కొంచెం ఎత్తైన బల్లలు. పుస్తకం పెట్టుకుని, చదవుకోవడానికి గాని, రాసుకోవడానికి గాని అనువుగా ఉండేవి. ఆ నాలుగు కాళ్ళ (కోళ్ళూ) బల్లక్రింద పుస్తకాల సంచి పెట్టుకునేవారందరు. ఒకొక్క బల్లకి ఇద్దరు లేదా ముగ్గురు విద్యారులు సరిపొయ్యేలాగా వాటిని తయారు చేసారు. పాకలో తరగతి.

"ఆపు", అంటు మాస్తారు గద్దించారు. ఎవరిని గద్దిస్తున్నారా అని తలతిప్పిచూస్తే, మారుతి అక్క, అలా నిశ్చేశ్టురాలై పొయి చూస్తోంది ఆయన వైపు. ఎడం చెయ్యి చూపుడు వేలు ముక్కుదగ్గిరుంది. కుడి చేతిలో పెన్సిలు ముక్క, నోటు పుస్తకం మీద. "ఎన్ని సార్లు చెప్పాలి నీకు. నువ్వు క్లాసుకి రావొద్దు. రేపు మీ అమ్మని తీసుకుని రా", అంటూ బోర్డు వైపు తిరిగి మళ్ళీ పాఠం చెప్పడంలో మునిగిపొయ్యారు. సరే, ఇక ఈవిడగారు ముక్కెగరెస్తూ కడవళ్ళ కొద్ది కన్నీరు కార్చుకుంటూ కూర్చుంది. బెల్ల్ మోగింది, మాస్తారు ఆ అమ్మాయి వైపు ఒక చూపు చూసి వెళ్ళి పొయ్యారు. పక్కనే కూర్చుని ఉన్న సుధని ఆడిగితే, ముఖాన్ని వికృతంగా పెట్టుకుని చెప్పింది, "అది, ముక్కులోంచి తీసుకుని తింటుంది. సారు, చాలా సార్లు చెప్పారు. కాని అది ఎవిటో, చీ యాక్, ముక్కులోంచి తీసుకుని తింటుంటుంది".

ముక్కు ముందరి భాగంలో ఉన్న ఆ ఎండిన చీమిడి చెక్కుని బయటకు లాగడానికి చూపుడు వేలు సరిపోతుంది. కాని పోడుగైన నాసికలోపల, ఆ సొరంగం లోలొపలికి చూపుడు వేలు చాలదు. అప్పుడు చిటికిన వేలు బాగా పని చేస్తుంది. చిటికిన వేలు గోరు చిన్నదైతే అది కూడా పని చెయ్యదు. గోరు కొంచెం పొడుగ్గా ఉండాలి. గోరుని కాస్త పెంచుకుంటే, జాగ్రత్తగా గీక్కుని, బయటకి, ఆ గోరుతో లాగొచ్చు. వేలు చివర గోరుకి అది అంటుకుని వస్తుంది. అప్పుడు నింపాదిగా, దాని రూపు రేఖలు చూడవచ్చు. పచ్చగా ఉందా, తెల్లగా ఉందా, ఎండి పోయిందా? కళ్లముందు పెట్టుకుని చూస్తే కనపడదు. ఆ ఎండిన చీమిడి చెక్కుని వెలుతురున్నవెంపుకి తిప్పాలి. ఒకొక్కసారి ఒక కన్ను మూసి, మరొక కన్నుతో చూడాలి. అంటే కుడి కన్నుతో చూసేటట్టైతే, ఎడం కన్ను మూసుకోవాలి. ఎడం కన్ను వాటం ఐతే, కుడి కన్ను మూసుకోవాలి. అలా చూస్తే, ఎకాగ్రత కుదురుతుంది. చూపులో తీక్షణతని బట్టి పరిశోధానాంశానికి న్యాయం జరుగుద్ది. వీధి గుమ్మం దగ్గిరో, ఎండ పడుతున్న కిటికిదగ్గిర, ఆవెలుగులో ఐతే దాని రూపు రేఖలు భూతద్దం లేకుండానే చూడవచ్చు. చత్వారం ఉన్న వారు కళ్ళజోడు తప్పకుండా వాడాలి.

ఆరోగ్యంగా ఉన్నవారి వేలు ఎర్రగా ఉంటుంది. వారి గోరు కూడా ఆరోగ్యంగా కనపడుతుంది. కొందరి గోరు అటు తెలుపు ఇటు ఎరుపు కాకుండా కనపడుతుంటాయి. ఆ గోరు చివర ఉన్న ఆ ఎండిన చీమిడి చెక్కు ఆటువంటి పరిస్థితులలో సరిగ్గా అవుపడదు. అప్పుడు దానిని ఆ సూర్యరశ్మికి ఎదురుగా పెట్టుకుని చూస్తే గోటి రంగు, వేలి రంగు నేపధ్యంలొ ఈ ఎండిన చీమిడి చెక్కుని మరికాస్త వివరంగా పరిశీలించవచ్చు. తెల్ల రంగు నేపధ్యం ( బాక్‌గ్రవుండ్‌) లో ఉన్నప్పుడు సరిగ్గా కనపడదు. కాబట్టి ఆ చీమిడి చెక్కులోని ఒక అల్లిక జిగి బిగి గాని, దాని మీద ఉన్న కొండల వరుస (ridges అందామా, టెక్స్‌చర్ అందామా?), ఎత్తు పల్లాలు సరిగ్గా కనపడవు. అప్పుడు మనం అసంతృప్తిగానే, కొంచెం జిగటగా ఉంటే, ఏది ఆ చీమిడి చెక్కుకి కొంచెం జిగట అంటి ఉంటే, ఆ కిటికి రెక్క అంచుకో, గోడకో గట్టిగా రాసేస్తే దానికి అంటుకుకిపోద్ది. దానితో దానిని మరిచిపోవాలి. కాకపోతే, నోటికి దగ్గిరగా తెచ్చుకుని, పెదవులని సున్నాలాగా వొంచి, "ఉఫ్" మని ఘట్టిగా ఊదాలి. ఆప్పుడు అది ఎగిరిపోతుంది. ఇప్పుడు తాపీగా రెండో నాసిక ద్వారాన్ని పరిశోధించవచ్చు. అది మరో రంధ్రం. ఐనా మనం చూడాల్సింది చీమిడ్ని కాని, నాసిక రంధ్రాన్వేషన కాదు కదా. సరే అది తరువాత చూడవచ్చు.

ఇక ఈ చీమిడి చెక్కు ఎలా ఉంటుందో చూద్దాం. ఒకచోట అది పలుచగా ఉంటుంది, మరొక చోట మందంగా ఉంటుంది కదా. మరి అది ఎలా తెలుస్తుంది? అనుభవం మిత్రమా! అనుభవం. చూపుడు వేలుకి అతుకున్న దానిని బొటన వేలుకి ఆనేలా తగిలించి (ఆంగ్లంలో OK గాను, మన నాయుడు బాబు గారు వాడే సంజ్ఞ కి మరో ప్రత్యామ్నాయ సంకేతం) ఆ రెంటి వ్రేళ్ళ మధ్య దూరాన్ని, జాగ్రత్త్తగా, అతి జాగ్రత్తగా, నెంపాదిగా, నెమ్మదిగా పెంచితే, అది ఒక దారం లాగా సాగుతుంది. సాలీడు విసర్జిస్తుంది చూసారు దారం లాగా, అలాగన్నమాట. కాని సాలీడు దారం ఉక్కు కన్నా శక్తిమం (వం?)త మైనది శాస్త్రజ్ఞులు తేల్చేసారు లెండి. మరి చిక్కగా ఉంటే ఆ దారం లావుగా కనపడుద్ది. అదే కుంచెం పలచగా ఉంటే సన్నగా, తీగలాగ సాగుద్ది. ఆ చీమిడి యొక్క సాంద్రత ( దీనిని density అంటారో మరి viscosity అంటారో తెలుగు/ ఆంగ్లం బాగా తెలిసిన పండితులు చెప్పాలి) బట్టి తీగలాగసాగే దాని గుణం కనపడుతుంది.

ఈ చీమిడిలో రకాలు కూడా ఉంటాయి. ఎండాకాలంలో జలుబు చేసినప్పుడు వచ్చే చీమిడి వేరు. వానా కాలం వర్షా కాలం ముక్కులో ఏర్పడే చీమిడి వేరు. అప్పుడు అది సాధారణంగా పచ్చగా ( పసుపు రంగు కాదు, అలాగని చిలకాకుపచ్చ రంగు కాదు , (ఇంగ్లిష్‌లో థిక్ గ్రీన్ అని అంటారులెండి) ఔపడుద్ది. ఒకొక్కసారి ఈ చిమిడి మింగేస్తాం మనం. ఎందుకంటే, ఊసెయ్యలేని పరిస్థితి. ఏ సి కారు. ఆ డొర్ తీయ్యడం రాదు. లేదు అది మంచి ట్రాఫిక్‌లో వెడుతూ ఉంటుంది. తలుపు తీస్తే అవతలి వాడికి తగులుతుందేమో. లేదు ఒక వేళ ఊస్తే, మన కారుమీదే పడితే, ఆ వాహాన చోదకుడు మనల్ని ఏమనుకుంటాడో అన్న భయం అందుకని ఉయ్యరు కొంతమంది. సరే ఇక ఊసినప్పూడు, ఒక ముద్దలాగ పడుతుంది. ముద్ద గట్టిగా ఉండదండి. ఊదితే అది కదులుతుంది. మీకు ఎలా వివరించాలి. ఆ! బ్రేడ్‌కి రాసుకుని తింటాం - జామ్ ఉంది చూసారా. అలానే, మార్మ‌లేడ్ అని ఉంటుంది అండి. అది అలాగే ఉంటుంది. లేత పాకం కాదు, ముదురు పాకం కాదు. కలిసే ఉంటుంది కాని చేతికి అంటుకోదు. ఆ మార్మలేడ్ కూడా అంతే. స్పూన్‌కి కాని కత్తికి కాని అంటుకోదు. ఈ చీమిడి కూడా అంతే. కదిలిస్తే పై పొర ఒక అల లగా కదులుతుంది.

ముక్కులు ఎండిపోతే, ఉంగరం లేదా చూపుడు వేలుని తడి చేసి, ముక్కులోపలికి చివరికంటా తోసి, తిప్పేన లాగా పూర్తిగా (క్లాక్‌వైజుగాను, ఆంటీక్లాక్‌వైజుగాను తిప్పాలి) తిప్పితే, ఎండిపోయిన ఆ చీమిడి తడికి నాని, గోరుకి, వ్రేలికి మధ్య ఇరుక్కున్నప్పుడు బయటకు లాగడం అన్న కళ మీకు అభ్యాసం మీద ఏర్పడుతుంది.

కనుబొమలమధ్య కనబడి కనబడకుండా, పెట్టుకునే స్టికర్ బొట్టు పరిమాణం నుంచి, సగటున కనీసం ఒక చదరపు సెంటీ మీటరు వెడల్పున ఈ చీమిడి చెక్కుల సైజు లుంటాయి. పొగ త్రాగేవాడిదైతే, కొంచెం నల్లగా, రేగడి మట్టి (అంటే డార్క్ బ్రవున్) రంగులో ఉండుద్ది. పాపం ఆ మొగవాళ్ళ అవస్థ చూడాలి. ఈ చీమిడి ఎండిపోతుందా, పోతూ పోతూ అది ముక్కులోని వెంట్రుకలని గట్టిగా పట్టుకుని మరి ఎండి పోతుంది. అలా ఎండి పోయిన ఆ ముక్కని లాగేటప్పడికి తలప్రాణాలు తోకకి వస్తాయి. వెంట్రుకని లాగితే నొప్పి. ఆ బాధకి కళ్ళమ్మట నీళ్ళు తిరుగుతాయి. కాని తప్పదుగా. పాపం అప్పుడు వీళ్ళు ఒక కత్తెరతో దానిని కత్తిరించడానికి ప్రయత్నిస్తారు. కత్తిరించడానికి ఆ ఎండిన చీమిడి చెక్కు అడ్డం వస్తుంది. వెంట్రుకని లాగ లేరు. దానిని కత్తిరించనూలేరు. ఎందుకు లేండి, ఆ వర్ణనాతీత బాధగురించి. వారికి ఒక సలహా ఏవిటంటే, మీది కుడి చెయ్యి వాటం ఐతే, కుడిచేతి ఉంగరం వేలు, లేదు ఎడంచేతి వాటం ఐతే ఎడం చెయ్యి ఉంగరం వేలిని తడి చేసుకుని, ఆ ముక్కు లోపలికి ఆసుంటా దూర్చేసి, మెలితిప్పేస్తే అది మొత్తం ముక్కు లోపలి భాగాని తడిపేస్తుంది. అప్పుడు సులువుగా ఆ మెత్తబడిన చీమిడిని, గోటితోనే లేక ఆ వేలి ఒత్తిడితో ముక్కు చూరుకి ఆనించి నెమ్మదిగానూ, నింపాదిగాను, అటూ ఇటూ నొక్కుతూ, లాగుతు, తోస్తు ముక్కు అంచుకు తీసుకుని రావచ్చు. ఒకవేళ ఆ మనస్థితి లేకపోతే, రెండో రంధ్రాన్ని బొటన వేలు చూపుడు వేలు మధ్య పట్టుకుని, దానిని మూసేసి, కాస్త ఘట్టిగా చీదెస్తే అది తుపాకి నుండి వెలువడిన తూటాలాగ వెళ్లి అవతలి వారి బట్టలకి అంటుకుంటుంది, అంటే గురిచూడడంలో లోపం అన్నమాట. ఇక వారు అది గమనిస్తే సరి, ఏడుపు ముఖం పెట్టి, పరిస్థిని మీకు తెలిసిన పద్ధతిలో పరిష్కరించుకోవచ్చు, లేకపొతే ఏమి తెలియనట్టు అక్కడి నుంచి జారుకోనూవచ్చు.

ముక్కులోనుండి వేలితో బయటికి లాగి దాన్ని నోట్లో కి పంపి, మునిపళ్ళమధ్య దానిని పట్టుకుని అది మందంగా ఉందా, సన్నగా ఉందా, పలచగా ఉందా అంటూ నాలిక స్పర్శ ద్వార తెలుసుకోవడం ఒక ప్రక్రియ. అలా కాకుండా, నాలుకతో దాని రుచి ఎలాగుంటుంది అన్నది తెలుసుకోవడం మరొక ప్రక్రియ. అవి మీరు తెలుపమంటే, మారుతి సోదరిని అడిగి, ఆ వివరాలన్ని మరోక టపాలో పొందుపరచవచ్చు.

లేదు మన తోటి బ్లాగర్లు ఎవరన్నా ఇంకా వివరంగా నా ముక్కు, నా చీమిడి, నా అనుభవం గురించి రాస్తానంటే రాసుకోండి. అది మీ బ్లాగు, మీ ముక్కు, మీ చీమిడి.

కాకి పిల్ల కాకి ముద్దు. అలాగే మీ చీమిడి మీ టేస్టు!

(కాదేది పరిశీలన కనర్హం - శ్రీ శ్కీ కి క్షమాపణలతో)

ఇదే నా స్నేహం?

2008-10-23T09:59:00.000-07:00

ఆగస్టు ౧౪ న మొట్ట మొదటిసారిగా ఆ వ్యక్తికి వేగు పంపింది.

మామూలు వేగు కాదది, సహాయాన్ని కోరుతూ పంపినది.

ఆ వ్యక్తి ఎవరో తెలియదు.

పురుషుడా, స్త్రీయా అన్నది తెలిదు.

వయసు తెలియదు.

కులం తెలియదు.

జాతి తెలియదు.

చదువుకున్నదెంతో తెలియదు.

పెళ్ళి అయ్యిందో లేదో తెలీదు.

పిల్లలున్నారో లేదో తెలియదు.

ఉద్యోగా, వ్యాపారా అన్నది తెలీదు.

ఉన్నది అట్లాంటాలోనా, అడిలైడ్‌లోనా, అమలాపురమా అన్నది తెలీదు.

మేని చాయ, తెలుపా, ఎరుపా, నలుపా అన్నది తెలీదు.

బాలకృష్ణ అభిమానా, చిరంజీవి * 'చిరుచరా‌' అన్నదీ తెలియదు.

కాంగ్రేసువాదా, వామపక్షవాదా తెలియదు.

అర్.ఎస్.ఎస్ సభ్యత్వం ఉందో లేదో తెలిదు.

కోస్తా ప్రాంతమో, రాయలసీమ ప్రాంతమో, ఫక్తు తెలంగాణా వాదో తెలియదు.

పొట్టా, పొడుగా అన్నది తెలియదు.

* * *

ఎప్పుడు పలకరించినా, ఒక ఐదు నిముషాల్లో ప్రత్యక్షం.

"భోజనం చేసారా?

అల్పాహారం కానిచ్చారా?

ఆలస్యం ఐనట్టుందిగా మీకు.

మీకు నిద్రోస్తే నిద్రపొండి.

ఆరోగ్యం జాగ్రత్త.

నేను ఎక్కడకి వెళ్ళను.

ఇక్కడే ఉంటాను.

మీరు నన్ను విసిగించడం లేదు.

నేను చాలా సీదా సాదా వ్యక్తిని.

నాకు తెలిసింది, మీతో పంచుకుంటున్నాను.

నాకు చేతనైనది మీకు చేసిపెడుతున్నాను.

మీరేమి ఇబ్బందికి గురికావద్దు.

మీకు కావల్సింది, మొహమాటం లేకుండా అడగండి." అని అంటూ, తనకి తెలియకపోతే, తనే జాలంలో వెతికి, ఆ అంశం మీద సమగ్రమైన వివరాన్ని సంపాదించి, దాన్నంతటిని ఒకచోటికి చేర్చి, అర్ధం కాకపోతే, అర్ధం అయ్యేటట్టు ఒకటికి రెండు సార్లు, విడమరచి, మళ్ళీ, మళ్ళీ విసుక్కోకుండా చెప్పిన వ్యక్తి.

నిస్వార్ధ దాతృత్వాన్ని (?)అచరణలో చూపించిన బ్లాగరి.

ఆ కోవకి చెందిన బ్లాగరి, ఈ బ్లాగు మూసకి రూపశిల్పి - తెలుగు'వాడి' కి కృతజ్ఞతలతో.

సెప్టెంబరు ఐదున, జ్యోతక్క సాదరంగా తనే ముందుకొచ్చి అడిగింది, " మీ టెంప్లెట్ మార్చరాదు, కావాలంటే లింకులు పంపుతాను, మీకు కావల్సినవి ఎన్నుకోండి',అంటూ. "కాని ‌'జ్యోతక్కా', అప్పటికే ‌'తెలుగువాడి‌' ఈ మూస మీద పనిచేస్తున్నారు. అందుకనే వెంటనే జవాబివ్వలేకపొయ్యాను. ఇదిగో ఇప్పుడు కారణం చెబుతూ, మీకు కృతజ్ఞతలు. "

ఇంకొక విషయం- "తెలుగు'వాడి'" ఈ బ్లాగు మూసకి రూపకల్పన చేస్తున్నప్పుడు (బ్లాగర్ లోపల అమరికలను తెలుగు‌వాడి‌' దిద్దుతున్న నేపధ్యంలో, పదుగురి మన్నన పొందిన "అకలి" టపా వెలువడింది). అకలి టపాకి ప్రత్యక్షంగాని, పరోక్షంగా కాని ప్రేరణిచ్చింది కూడా "తెలుగు‌'వాడి‌". (ఆగస్టు ౨౪, ౨౦౦౮ న ౨౦ / ౩౦ నిముషాలలో తయారైన టపా అది). ఎన్నో సార్లు నెటిజన్ నిద్రిస్తున్నప్పుడు, గుట్టుచప్పుడు కాకుండా, బ్లాగర్‌‌లోని ఖాతాలోకి వెళ్ళిపొయ్యి, తన పని చేసుకున్న రోజులున్నవి.

కొత్తపాళీ తన ఒకానొక టపాలో జీవిత పరమార్ధం ఏవిటి అని ప్రశ్నించారు. దానికి జవాబుగా, " ..one gives without expecting ABSOLUTELY nothing in return," ఈ బ్లాగరి (నెటిజన్) జవాబు.

ఉరుకులు, పరుగులు పెడుతూ, కాసే ప్రపంచికం అనుకుంటు, కాసుకోసం పరిగెడుతూన్న ఈ రోజుల్లో, లేదు నాకు కాసు వద్దు, చేతనైనంత సహాయం చెయ్యగలగడమే ముద్దు అంటూ, తెలుగు భాష అంటే నాకు విపరీతమైన ప్రేమ, తెలుగువారంటే వల్లమాలిన అభిమానం అంటూ, ఆగస్టు ౧౪ నుంచి అక్టోబరు మొదటి వారం దాక దాదాపు ౭౦ (డెభై రోజులు) ఒక్క పైసా కాని, ఒక్క డాలరు గాని ప్రతిఫలం ఆశించకుండా ఒక్క తోటి తెలుగు బ్లాగరుకి, మరొక తెలుగు బ్లాగరు కాకపొతే మరెవ్వరు సహాయం చెయ్యగలరు?

ఇక ఈ క్షణం వరకు ఈ తెలుగు'వాడి' గురించి ఇంకా ఏ వివరం (a/s/l/add లాంటివి) తెలియదు. తెలుసుకోవలసిన అవసరం అంతకంటే లేదన్నది ఈ నెటిజన్ నమ్మకం. సరే, ఇక నెటిజన్ గురించి ఆ బ్లాగరికెంత తెలుసో, ఆ బ్లాగరికే తెలియాలి. అక్టోబర్ ౯, ౨౦౦౮ న ఆఖరుసారిగా ఆ బ్లాగరిని పలకరించినది.

"మిత్రమా ఎక్కడున్నా సుఖంగా ఉండు!"

* చిరుచరి చిరంజీవి అభిమాని-కి ఆ వ్యక్తి ఇచ్చిన కితాబు.

హామీ పత్రం: ఈ మూసలోని లోపాలకు పూర్తి బాధ్యత నెటిజన్‌దే! తెలుగు'వాడి' కి ఏ మాత్రం సంబంధం లేదు. ఔను. ఇంకా చిన్న చిన్న కోరికలు (అమరికలు) పూర్తి చెయ్యవలసినవి ఉన్నవి.

ఈ బొమ్మని చూస్తే మీకేమనిపిస్తున్నది?

2008-10-21T08:43:00.001-07:00

* అక్టోబర్ ౧౩ ౨౦౦౮ , ఆంధ్రజ్యోతిలో ప్రచురితం.

ఎక్జిట్ పోల్ల్స్ - నిర్భంధము

2008-10-09T08:18:00.000-07:00

తలకాయలు తమ తమ జే

బుల లోపల దాచుకొనుచు పోలింగుకు పో

వలసిన రోజూలు వస్తే

సెలవింక డెమాక్రసీకి సిరిసిరిమువ్వా!

- శ్రీ శ్రీ కి కృతజ్ఞతలతో

సిరిసిమువ్వలు నుంచి

ఎన్నికలలో ఆఖరుఘట్టం ముగిసేంతవరకు ఎక్జిట్ పోల్ల్స్ వివరాలను, విశ్లేషణ‌ల ప్రచురణనూ, ప్రసారాన్ని, నిర్భందిస్తూ కేంద్ర ప్రభుత్వం, చట్టానికి ఒక సవరణను నిన్న అమోదించిందని కేంద్ర ఆర్ధిక మంత్రి ప. చిదంబరం పత్రికా ఒక సమావేశం‌లో వెల్లడించారు.

త్వరలోనే రానున్న ఎన్నికలను దృష్టిలో ఉంచుకునే ఈ నిర్ణయాన్ని తీసుకున్నారనుకోవడం సుస్పష్టం. ఒకవైపు ఆర్ధిక సంక్షోభం, మరో వైపు మతకలహాలు, ఉగ్రవాదుల చర్యలు, విద్యుత్ కొరత, అవినీతి మితిమీరిపోతున్న తరుణంలో పాలకులను ఈ ఎక్జిట్ పోల్ల్స్ ఇబ్బంది పెట్టే విషయమే. ఎడిటర్స్ గిల్డ్ దానిని సమర్ధించడం లేదు. వ్యతిరేకిస్తున్నది ప్రసారమాధ్యామాల (పత్రిక స్వేచ్హ) ని , భావ ప్రకటనా స్వేచ్చ గొంతుకని నొక్కేస్తున్నారన్నది వారి వాదన.

ప్రపంచంలోని అతి పెద్ద ప్రజా స్వామ్య దేశం భారత దేశం. ఆలాంటి దేశంలోని ఓటర్‌కి తనకి ఎలాంటి ప్రభుత్వం కావాలో బాగా తెలుసు. దానికి ఎలా బుద్ధి చెప్పాలో కూడా ఇం‌కా బాగా తెలుసు, ఎక్జిట్ పోల్ల్స్ ఉన్నా, లేకున్నా.

అవి ఆ "బొటన వ్రేలి ముద్ర" వోటర్‌ని ప్రభావితం చెయ్యలేవు.

సాహిత్యాభిమానులకి శుభవార్త

2008-10-05T22:59:00.000-07:00

సాహిత్యాభిమానులకి అందులోను కుటుంబరావు సాహిత్యాన్ని అభిమానించేవారికి శుభవార్త - కొడవటిగంటి కుటుంబరావు శత జయంతి వచ్చే సంవత్సరమే ౨౦౦౯లో. అందుకని వారి సమగ్రమైన సాహిత్యాన్ని మళ్ళీ పునర్ముద్రిస్తున్నారు.

చలసాని ప్రసాద్, కృష్ణబాయి గారలు (విరసం) ఈ ప్రచురణలకు కూర్పరులుగా ఉంటారు.

మొత్తం సాహిత్యాన్ని అంటే, కుటుంబరావు నవలలు, కధలు, నాటికలు, లేఖలు వగైరా ౧౬ సంపుటాలుగా వెలువరిస్తున్నారు. అన్ని కలిపి మూడువేల రూపాయలు అవుతవి.

కాని, పూర్వ ప్రచురణ ధర రెండువేల రూపాయలే. అంటే, ౩౩-౩౩% తగ్గింపు అన్నమాట. పూర్తి వివరాలకి ఇక్క డ చదవండి!

*నేటి "సాక్షి" లో వార్త ఆధారంగా

సిగ్గు

2008-10-03T22:55:00.000-07:00

విశాఖజిల్లాలోని, జి.మాడుగుల, చింతపల్లి ప్రాంతలలో సుమారు మూడువేల ఎకరాలలో బాక్సైట్ తవ్వి, శుద్ధిచేసి, ఎగుమతిచేసి, ఆ వచ్చే రాబడితో రాష్ట్రాన్ని పారిశ్రామిక రంగంలో మరొ అడుగు ముందుకు తీసుకువెళ్ళాలని, మరో మెట్టు పైకెక్కించాలని ప్రస్తుత ప్రభుత్వ ఆశయం. కాని దానికి ఆ ప్రాతంలోని గిరిజనులు, పేద, అల్పాదాయవర్గాలకు చెందిన సామాన్య ప్రజలు తమ నిరసనను తెలియజేస్తున్నారు. ప్రతిపక్షం కూడా దానికి తన గళాన్నిస్తున్నది. ప్రజల శ్రేయస్సే తమ ఉన్నతాశయంగా ఎంచుకున్న ప్రభుత్వం ప్రజాభిప్రాయం కోసం, చింతపల్లిలోని కాఫీ శుద్ది కర్మాగారంలో "ప్రజాభిప్రాయ సేకరణ" చేబట్టింది.

ప్రస్తుత ఆంధ్రప్రదేశ్ రాష్త్ర ముఖ్యమంత్రి తనయుడు, జగన్ సారధ్యంలో, జగతి పబ్లికేషన్స్ - ప్రచురిస్తున్న "సాక్షి" దిన పత్రికలో నిన్న జరిగిన "బాక్సైట్' పై ముగిసిన ప్రజాభిప్రాయ సేకరణ గురించి - "అభిప్రాయాలు వెల్లడించేందుకు ఎవరూ ముందుకు రాలేదు", అనీ, దాంతో, " ఎటువంటి ప్రకటన చేయకుండానే అధికారులు వేదిక దిగి వెళ్ళిపోయారు," అని వార్త.

టీ.వి లన్ని చూపించినవి, విశాలమైన ప్రదేశంలో ఖాళీ కుర్చీలు. వేదికకు ఎదురుగా , మొదటి వరసలో కుడి చేతివైపు ఖాళీ కుర్చీలలో బిక్కు బిక్కు మంటూ, ఒక ముగ్గురో నలుగురో మనుషులు.

బహుశ, ప్రజలందరూ కూడ తమ అభిప్రాయాన్ని, వేదిక వెనక్కెళ్ళి, ఆ మరుగున చూపించి ఉంటారు. ఎంతైనా మనుషులు కదా, బహీ:ప్రదేశంలో చూపించలేరుగా, అందులోను ప్రసారమాధ్యమాలముందు. వారికి ఉండదా సిగ్గు?

వ్యాఖ్య

2008-10-02T07:35:00.000-07:00

ఇటీవల వెలువరించిన టపాకి వచ్చిన ఒకానొక వ్యాఖ్య చాలా తీవ్రమైన మానసిక సంక్షోభానికి, మనస్థాపానికి గురిచేసింది. అంత దాఋణమైన వ్యాఖ్యలని అహ్వానిస్తుందనుకుంటే, ఆ టపా వెలువడేదే కాదు.

ఆ వ్యాఖ్యలు ప్రేరేపించినవి ఈ టపాని:

ఆ ఒఖ్ఖ వ్యాఖ్య, అలోచనాఝరి గతినే మార్చివేసింది.

ఆ వ్యాఖ ప్రభావం -

ఈ బ్లాగరి జీవితకాలం వెన్నంటి, వెంటాడుతునే ఉంటుంది,
కీచురాయి రొదలాగ.
భవిష్యత్తులో ఈ బ్లాగింగులోనే కాదు,
కీ బోర్డు మీద వెలుపెట్టినప్పుడల్లా,
కలాన్ని కాగితానికి తాకించినప్పుడల్లా,
ఆ వ్యాఖ్య మావటివాడి శూలంలా పొడుస్తునే ఉంటుంది.

భుజంమీద నిలబడి,
కాకిలా చూస్తునే ఉంటుందది,
డేగ కళ్ళతో,
హెచ్చరిస్తుంది అది నక్క ఊళతో!

ప్రాణం పోసుకునే ప్రతి పదాన్నీ,
ఆ జీవుల మూలుగుల మధ్య,
స్వాగతించగలిగినంతటి పంచాణుడు కాదీ బ్లాగరి.

మరొకరిని జీవితాన్ని, జీవన గమాన్నాని ప్రభావితంచేసి, శాసించే అంశాల మీద బ్లాగాలా?
బ్లాగుల నుంచి నిష్క్రమించాలా ?
రాయాలా?
రాయడం మానెయ్యాలా?

*ఆ వ్యాఖ్యని ఆపలేదు.

చావు

2008-09-30T18:03:00.000-07:00

ఆగకుండా ఎడం కాలిడ్చుకుంటూ "ముసల్ది మొన్న చచ్చిపోయిందంటగదా," అంటూ సాగాడు.
"ఎవరన్నారూ,అక్కాయి పోయిన నెలకి మధు పోయింది".
"ఏమిటొ, వచ్చేవాళ్ళు వస్తుంటారు, పొయ్యే వాళ్ళు పోతుంటారు. నువ్వేమి అధైర్యపడమాకు, మేమందరమూ లేమూ".
"నేను, చిన్నాని, మొన్న ఎక్కడో విన్నాను, ఎవరికో బాగోలేదని..".
"మరి రామాపురంలో ఇల్లు ఎవరికి వ్రాసింది, అత్తయ్య?"
"పంపేసావంటగా? ఏం రోగం?"
"అదే, మొన్న విన్నాను. ఊళ్ళో లేను. సారి, వాజ్ ఇట్ పైన్‌ఫుల్?".
"హాస్పిటల్ బిల్లు ఎంత అయ్యింది?"
"నువ్వు బాంబేకో, చెన్నైకో తీసుకెళ్ళాల్సింది. మొన్న లక్షి మొగుడ్ని అదే అస్పత్రిలో చేర్చారు. మూడో రోజుకి చచ్చూరుకున్నాడు".
"నేను రాలేన్రా, బోర్డ్ మీటింగ్ ఉంది. రాఘవన్‌కి చెప్పాను. డబ్బు తీసుకో, కార్లు రెండు పంపుతాడు. ఇంకా ఎవన్నా కావాలంటే రెడ్డికి చెప్పు. అన్ని చూస్తాడు. జాగ్రత్త. పరిమళ వస్తుందిలే."
" ముందే ఒక బ్లాంక్ చెక్ మీద సంతకం తో జాగ్రత్తపడిఉంటే బాగుండేది."
" నా వల్ల కాదు అంటున్నాడు. వాడు మిగతవాళ్ళతో షేర్ చేసుకోవాలంట. వెయ్యికి తగ్గనంటున్నాడు."
"రామారావుకి ఫోను చెయ్యండి. ఆయనకి పరిచయాలున్నాయి."
"ఆ బంగారం అది ఎక్కడ ఉంది? అంతేలే. చాలా జాగ్రత్త మనిషికి."
"శవాన్ని ఇంట్లో పెట్టాడానికి వీల్లేదండి."
"ఇవి ఫ్లాట్లు కదా, పదిమంది, పది అబిప్రాయలతో, నమ్మకాలతో ఉంటారు. మరేం అనుకోవద్దు. ప్లీజ్, మీకు అన్ని తెలుసు."
"బెడ్ షీట్ కోసం వచ్చాం అమ్మా. బాడితో పాటూ మా బెడ్‌షీట్ కూడ వచ్చేసింది. ఉంచుకుంటే ఉంచుకొండి, ఒక ఫైవ్ హండ్రడ్స్ ఇప్పించండీ".
"కాఫీ తాగుతారా, టీ ఇవ్వమంటారా".
" అమ్మా, ఎవరమ్మా చచ్చిపోయింది?"
"అమ్మ, అమ్మా".

"Mother" (అమ్మ) మీద జిమ్మి ఆస్మండ్ పాడిన ఒక పాట ఇక్కడ వినండి.

* ఇది నూటయాభైయ్యవ టపా!

మోహన్ చంద్ శర్మ

2008-09-20T08:55:00.000-07:00

సెప్టంబరు 19 న, శుక్రవారం ఢిల్లీలో జరిగిన ఎన్‌కౌంటర్‌లో గాయపడిన పోలీసు ఇన్‌స్పెక్టర్ మోహన్‌‍చంద్ శర్మ (41) వీరమరణం చెందారు. ఎన్‌కౌంటర్‌లో శర్మకు కడుపు, తొడ, కుడిచేతి భాగాల్లో తూటాలు తగిలి తీవ్రంగా గాయపడ్డారు. ఆయన ఆస్పత్రిలో చికిత్స పొందుతూ మరణించారు.

ఢిల్లీ ఎన్‌కౌంటర్‌లో పాల్గొన్న పోలీసు బృందానికి నేతృత్వం వహించిన శర్మ పోలీసు శాఖలో సమర్థుడైన అధికారిగా పేరుపొందారు. ఆయన గతంలో రాష్ట్రపతి నుంచి సాహస పతకంతోపాటు ఏడు పోలీసు పతకాల్ని అందుకున్నారు. 35 మంది తీవ్రవాదులను హతమార్చడం, 80 మందిని అరెస్టు చేయడంలో శర్మ కీలకపాత్ర పోషించారు.

2005 లో తమిళనాడులో జరిగిన తీవ్రవాద ప్రేళ్ళుల పరిశోధనలోను శర్మ పాత్ర తక్కువదేమి కాదు.

ఏది ఏమైనా తీవ్రవాదులను ముట్టడించడానికి బయలుదేరిన శర్మ రక్షణ కవచాన్ని ధరించకపోవడం దురదృష్టకరం.

వారం, వారం ఆంధ్రజ్యోతిలో బ్లాగ్లోకం..కాదు కాదు..బ్లాగ్‌లోకం

2008-09-08T01:36:00.000-07:00

ఆంధ్రజ్యోతి దిన పత్రిక ఇక నుంచి మంచి, మంచి బ్లాగులని తెలుగు పాఠకులకి పరిచయం చెయ్యడానికి నడుం బిగించింది. తెలుగు బ్లాగులకి మాత్రమే పరిమితమవ్వడం లేదు.

హైదరాబాద్ బుక్ ట్రస్ట్ వారి బ్లాగ్ పరిచయంతో ఈ ఆదివారం అంటే నిన్న మొదలుబెట్టారు.
మరిన్ని వివరాలకు ఇక్కడ చూడండి.
ఇక మీ బ్లాగులని గురించి కూడా వారికి తెలియజెప్పుకోవచ్చు.
తిన్నగా వారికే వేగు పంపవచ్చు.
మీ బ్లాగు వివరాలతో వారికి పంపండి - navyajyothy@gmail.com.
* ఈ ఆదివారం అంటే నేడు 21సెప్టెంబరు 2008 నుండి బ్లాగ్లోకం - బ్లాగ్‌ లోకం అయ్యింది.

చీరేసుకుంటారా?

2008-08-30T05:04:00.000-07:00

ఏవిటో మరీ చాదస్తం ఎక్కువైపోతోంది ఈ మధ్య?
ఒహటే, తెలుగు,తెలుగు,తెగులు,తెలుగు అని అరవ గోలని అరవగోల?
అలా అలోచిస్తుంటే, ఎక్కడో ఒక తెలుగు బ్లాగులో (ఆడువారు) వ్రాసిందేలెండి!
కనపడింది.
చదువుకుంటూ వెల్తుంటే, మధ్యలో గొంతులో ఏదో అడ్డం పడ్డ అనుభూతి.

+ + +

మనం తల దువ్వుకుంటాము.
బొట్టు పెట్టుకుంటాము.
కళ్ళకు కాటుక రాసుకుంటాం.
చెవులకు కమ్మలు పెట్టుకుంటాము.
ముక్కుకి పుడక తగిలించుకుంటాము.

మెడకి గొలుసు వేసుకుంటాం.

చేతులకి గాజులేసుకుంటాం.
రవిక కట్టుకుంటాము.
లంగా కట్టుకుంటాము.
చీర వేసుకుంటామా లేక కట్టుకుంటామా?

+ + +

అదండి, అనుమానం! నివృత్తి చెయ్యరూ! ఎదో ఒహటి, కట్టుకోవడమో, వేసుకోవడమో!

ఒహటే సణుగుడని, సణుగుడు.

చీర కట్టుకునో, వెసుకునో వస్తారుగా, లంగా జాకెట్టుతో అలా రోడ్డు మీదకు రారుగా ఆ కేరళ వాళ్ళ లాగ అంటారా?
ఐనా మరీ చోద్యం కాకపోతే, ఇంకా లంగా, చీర, జాకెట్టు ఎక్కడవండీ!
చక్కగా ఆ చురీదారు తగిలించుకోక?
ఓహో, కట్టుకోవడం,వేసుకోవడం ఐపోయిందా, ఇప్పుడు తగిలించుకోవడం వచ్చిందా?
ప్చ్!

ఏవిటో, మరీ చాదస్తం ఎక్కువైపోతున్నది, వయసొస్తున్నకొద్ది!

లలిత ఇక లేదు!

2008-08-27T08:37:00.000-07:00

లలిత చనిపోయిందని పొద్దులో చదవగానే బాధవేసింది. తను అనారోగ్యంతో ఉన్నదని ఊహించుకోగలిగాను కాని మరణానికి అంత చేరువలొ ఉన్నదని అనుకోలేదు.

"రౌద్రి" కన్నా నేను తన ఆంగ్ల బ్లాగుకే దగ్గిరయ్యాను. అదే అఖరుసారి అని తెలియనప్పుడు, నేను తన బ్లాగ్ లో వ్యాఖ్యానించినప్పుడు, ఎంతో సాదరంగా, స్వాగతించింది లలిత. శ్ర్రీపాద వారి కొత్త అవకాయ, వెన్నపూస రుచుల గురించి ప్రస్తావించింది. తనకు తెలియకపోవచ్చు కాని తన అంగ్ల టపాలు ఏవి నేను వదలలేదు. కాని ఇప్పుడనిపిస్తున్నది, అయ్యో, అవకాశం ఉన్నప్పుడు తనని కనీసం వ్యాఖ్యల ద్వారా ఐనా పలకరించలేక పొయ్యానే అని!

"వ్యూలు - రివ్యూలు" లో కూర్పరి చలసాని ప్రసాద్, శ్రీ శ్రీ పుస్తక పరిచయాలు, సమీక్షలు ప్రచురించాడు. అందులో, శ్రీ శ్రీ, లలిత వ్రాసిన కవిత్వ సంకలనం - "నిశీధి సంగీతం" (Dark Rhapsody) కి ఒక "ప్రివ్యూ" చూపించాడు. లలిత పుస్తకాలు చేతికి అందుబాటులొ లేవు, కాని ఈ పుస్తకం ఉంది.

అందులో శ్రీ శ్రీ లలిత గేయాల గురించి అన్న కొన్ని మాటలు:

ప్రివ్యూ

"రౌద్రి" కలం పేరుతో రాస్తున్న ఈ రచయిత్రి ఆరుద్ర రెండవ కూతురు భాగవతుల లలిత. బహుశ ఈ యధార్ధాన్ని నేను బయటపెట్టకూడదేమో? అయినా ఇంగ్లిష్‌లో "నెత్తురు నీటికన్నా చిక్కన" అనే నానుడి వుంది. భాగవతుల వంశంలో నాది తల్లివైపు చుట్టరికం. ఈ రక్త సంబంధమే మళ్ళీ మా ఇంట్లో కవితాసౌరభం గుబాళిస్తున్నదన్న విషయాన్ని గోప్యంగా ఉంచనివ్వడంలేదు.

And now, I shall permit myself for a moment to forget that the writer of these poems is my grand niece. Seeing before me a group of poems of unequal length as well as merit, I attempt an objective appraisal of their value as poems.

"ఏమీ కనిపించని చీకటిలో చెవులకు మాత్రమే వినిపించే సంగీతం ఇందులో ఉన్నది."

ఇంకా చాలా వ్రాశాడు కాని, ఆయన ఆ మొత్తం పాఠం ఇక్కడ ఇవ్వడం భావ్యం కాదు.

ఏది ఏమైనా ఒక మంచి మిత్రురాలు దూరం ఐపోయింది.
బ్లాగు ప్రపంచంలో కూడా జనన మరణాలు ఉంటవి అన్నది కఠోర సత్యం.

"..ఇంకెవరన్నా ఉన్నారాండీ..?"

2008-08-25T19:43:00.000-07:00

బ్రాహ్మణులు, క్షత్రియులు, వైశ్యులు, కమ్మవారు, రెడ్లు కాక ఇంకెవరన్నా ఉన్నారాండీ, మిగిలిపోయినవారు? వారిని కూడా చేర్చేస్తే, మన భారతదేశంలొ అందరూ ముందుకు వెళ్ళవచ్చుకదా!

ఒకప్పుడు, మన రైల్వేలలో "ఇంటర్" అని ఒక తరగతి ఉండేది, మరి ఈ బ్లాగర్లలలో ఎంతమందికి అది తెలుసో? అలాగే మూడవ తరగతి కూడ ఉండేది.

అన్నీంటిని కలిపేసి, ఈ రోజున ఒక ఫస్ట్ క్లాస్, ఒక సెకండ్ క్లాస్ గా మార్చేసి, భారతదేశంలో, మూడవ తరగతి లేకుండా చేసేసే నాయకులని ఎన్నుకున్న మనం, ప్రపంచంలోనే రాజకీయంగా అత్యంత చైత్తన్యవంతమైన పౌరులం కాదా?

నేటి ఈనాడులో శ్రీదర్ మాట!
అన్‌లైనులో ఈనాడు, ఈపేపర్‌లోనే కనపడుతున్నది ఈ కార్టూన్! రిజిస్టర్ అయి లాగిన్ ఐతే చూడవచ్చు. http://epaper.eenadu.net/login.php

ఆకలి

2008-08-24T00:20:00.000-07:00

ఆకలి.
అర్ధరాత్రి దాటింది, ఇంటికి చేరేటప్పడికి.

ఆకలి.
అవుట్ డోర్ షూటింగ్ కదా. ఆడవి లాంటి ప్రదేశం.
తినడానికి ఏమి దొరకలేదు.

ఆకలి.
తాగడానికి మట్టుకు చాలా బాటిల్స్ ఉన్నవి.
తాగినంత తాగి, కారులో కూడా తాగుతానే ఇంటికి చేరడం.
డూప్లెక్స్ ఇల్లు అది.
ఇల్లు కనపడగానే ఆకలి ఇంకా ఎక్కువయ్యింది.
అక్క చాల బాగా వండుతుంది.

ఆకలి.
అక్క వంట గుర్తుకి రాగానే ఇంకా ఎక్కువయ్యింది, ఈ అకలి.
అక్క బావగారు పై ఫ్లోర్‌లో ఉంటారు.
తలుపు తాళం డూప్లికేట్ కీ తో తెరుచుకుని, లోపలికి వెళ్ళగానే, ఎదురుగుండా ఫ్రిడ్జ్.
రా, రమ్మని పిలుస్తున్న ఫీలింగ్.
చప్పుడు కాకుండా, చేతిలో ని బీరు బాటిల్ని టేబుల్ మీద పెట్టి ఫ్రిడ్జ్ తెరిస్తే రెండు గిన్నెలు.
ఒక దానిలో అడుగున అన్నం కాస్తంత మిగిలింది.
మరొక దాంట్లో కొంచెం పెరుగు.
సింక్‌లొ చూస్తే, కనబడుతున్నదిగా పెద్ద పార్టి జరిగింది.
ఒక్కసారిగా నీరసం ఆవహించింది.

ఆకలి.
సింక్‌లో ఎవరో తినిపడేసిన పళ్ళెం తీసుకుని, అందులోకి ప్రిడ్జ్‌లో మీగిలిపోయిన అన్నం వడ్డించుకుని, ఆ మిగిలిన పెరుగు వెసుకుని నోట్లో పెట్టుకుంటే , అప్పటిదాక మషాళాలు తగిలిన నాలుకకి, ఆ చల్లటి అన్నం, పెరుగు రుచించలేదు.

టేబుల్ మీద ఉన్న బాటిల్ని, అందుకుని ఆ బీరుని అందులోకి వంపుకుని, అన్నం, పెరుగు, బీరు కలుపుకుని తిని
అక్కడే అలా నిద్రావస్థలోకి జారుకున్...

కాలిన్‌ ని చంపేసారు.

2008-08-21T22:30:00.000-07:00

అవును.
కాలిన్‌ని చంపేసారు.
కాలిన్ బ్రతుకాలని తన వాళ్ళతో కలిసి హాయిగా ఉండాలని ఎంత కోరుకున్నానో!
కాని లాభం లేక పోయింది.

కాలిన్ ఒక తిమింగలం లాంటి చేప పిల్ల. ఆంగ్లంలో whale (వేల్) అంటారు.
ఆరు నెలల బాలుడు.
కాలిన్ కి ఒక అమ్మ ఉంది.
ఒక నాన్న కూడ ఉన్నాడు.
కాలిన్ ఇంకా తల్లి పాలమిదే బ్రతుకుతున్నవాడు.
కాని ఎందుకనో ఆ తల్లి ఈ బిడ్డని దగ్గిరకు తీసుకోలేదు.
కాలిన్ అప్పుడు సిడ్ని దగ్గిరలోని చిన్న నౌకని తన తల్లిగా భావింది పాల కోసం వెతుక్కుంటూ ఉంటే, ఆస్ట్రేలీయన్ పర్యావరణ శాఖ వారు సముద్రంలోకి మళ్ళించినా, కాలిన్ వెనక్కి తిరిగి మళ్ళి ఆ సముద్రతీరానికే చేరుకుని ఆక్కడి పడవలని, ఒదలకుండా వాటి చుట్టే తిరుగుతు ఉండటం కనపడింది. కాలిన్‌కి కొన్ని గాయాలు కూడ ఐనవి.
సముద్రంలో ఒంటరిగా ఉన్న జీవులు బ్రతకడం కష్టం. అందులో కాలిన్ లాంటి పసి పిల్లలు.
అందుకని ఆ పర్యావరణ శాఖా వారు సాధ్యమైనంతవరకు కాలిన్‌కి తగిన చికిత్స చేసి బ్రతికిద్దామనే అనుకున్నారంట.
కాని తగిన ఆహరం లేక నీరసించిపోతూ, మరణానికి చేరువలో ఉన్న కాలిన్‌ని ఇక చంపేసి వాడిని బాధల నుండి గట్టేక్కించేయ్యడమే మెరుగని బావించినట్టున్నారు.
అందుకనే కాలిన్‌ ని చంపేసారు.
తప్పదేమో, నిజమే కాని ..
ఏవిటో నిన్నటినుంచి మనసు మనసులో లేదు.
అదే మన బిడ్డ ఐతే...

తాజాకలం: కాలిన్ మగ చేప పిల్ల కాదు. చనిపోయిన తరువాత స్త్రీ జాతి ది అని తెలుసుకున్నారు. (25 Aug 08)

పంద్రాగస్ట్ ఏవిటండి?

2008-08-15T23:36:00.000-07:00

స్వాతంత్ర్ర దినోత్సవం అనో లేక స్వాతంత్ర్ర దినోత్సవము అనో అని అనవచ్చుగా?
తెలుగు ఆంగ్లీకరించబడుతున్నది అని వాపోయే ఈ తెలుగు భాషా ఛాందసవాదులు కాక మళ్ళీ టెల్గు హిందికరించబడుతున్నది అని వాపోవడానికి?
* * *
మంచిగా ఉండు.
మంచిగా చెయ్యి,
బాగా చెయ్యి అని అనవచ్చుగా?
మంచిగా ఎందుకు అనకూడదు అని అంటున్నారా?

మరి "నెనర్లు" అని ఎందుకంటున్నారు?
కృతజ్ఞతలు అనో ధన్యవాదాలనో ఎందుకనటంలేదు?

లేదు ఈ కోస్తావారు, తమ తెలుగుని ఇతరుల మీద రుద్దుతున్నారు,మా మనోభావలు దెబ్బతిన్నవి కాబట్టి, ఆ తెలుగు వాడడానికి వీల్లేదు, మా తెలుగు వాడాల్సిందే అన్న ప్రాంతియ వాదానికి తెరలేపుతున్నారా?

మేం చదివిస్తాం!

2008-07-02T18:05:00.000-07:00

బుధవారం, ౨, జూలై, ఆంధ్రజ్యోతిలో కధనం

ఇది గురువారం, జూలై ౩ న అదే ఆంధ్రజ్యోతిలో దానికి వచ్చిన స్పందని గురించి:

బూల్యారాణి వైద్యురాలవ్వడానికి సహయం చెయ్యరూ?

2008-07-01T21:53:00.000-07:00

ఈ రోజు సాక్షిలో వార్త

మీరేమంటారు ?

2008-06-27T23:27:00.001-07:00

భారత రాజ్యాగంలో పౌరులందరికి కొన్ని హక్కులున్నవి. చట్టం ముందు అందరూ సమానులే. ఒకరికి ఒక న్యాయము, మరొకరికి మరొక న్యాయము ఉండదు. దళితులపై అత్యాచార నిరోధక చట్టం ప్రకారం ఒక దళితేతరుడు, ఒక దళితుడిని గాని, గిరిజనుడిని కాని బహిరంగంగా అవమానిస్తే అది శిక్చార్హమవుతుంది. అదే ఒక దళత లేదా గిరిజన వ్యక్తి దళితేతరవ్యక్తిని అవమానిస్తే అసాధారణ చట్టాలేవి ఆ వ్యక్తికి అందుబాటులో లేవు.

భారత దేశంలో ఒక పౌరుడు, అన్యాయం జరిగింది అని అనుకున్నప్పుడు ఒక "దిష్టిబొమ్మ" ని పేరిడి, కొట్టి, కాల్చీ తన ఆవేదనని, ఆగ్రహాన్ని, నిరసనని తెలియజేస్తుంటాడు.

మొన్న గిరిజనస్త్రీలపై సాముహిక అత్యాచారం జరిగింది.మరి ఈ ప్రభుత్వం ఆ దోషులను ఎందుకని ఈ అత్యాచారనిరోధక చట్టం క్రింద శిక్షించడానికి ప్రయత్నించలేదు?

* * *

పత్రికలు ప్రజలను జాగృతంచెయ్యాలి. చైత్యనవంతులని చెయ్యడంవాటి విద్యుక్తధర్మాలలో ఒకటి. అందుకనే ఇందిరా గాంధి పాలనలో ఎమర్జెన్సి ని విధించి పౌరస్వేచ్చ, పత్రికా స్వేచ్చని నియంత్రిచినప్పుడు, ప్రజాభిప్రాయాన్ని మన్నించిందీ ఈ పత్రికలే! ప్రజలను చైతన్యవంతులని చేసింది ఈ పత్రికలే! ఆ నాటి "కబంధ హస్తాల" పాలన నుండి రక్షించింది ఈ పత్రికలే! కాబట్టి పత్రికా స్వేచ్హకి ఏ మాత్రం భంగం కలిగినా తీవ్రంగా ప్రతిఘటించాలి.

* * *

ఆంధ్రజ్యోతి పత్రిక "బాడుగనేతలు", మే ౨౪న వెలువడ్డప్పుడు, కొంతమంది నేతలకు బాధ కలిగింది. తమ ఆత్మగౌరవాన్ని ఆ పత్రిక అవమాన పరిచిందని భావించారు. ఒక నేతను అవమానిస్తే, ఆ నేత ప్రాతినిధ్యం వహిస్తున్న సామాజిక వర్గాన్ని కూడా అవమానించినట్టే అని భావించి, కొందరు తమ నిరసనని, రాష్ట్ర రాజధాని హైదబాదులోని అంధ్రజ్యోతి ప్రధాన కార్యాలయాన్ని ముట్టడించి, కాల్చివెయ్యడానికి ప్రయత్నించారు. విధ్వంసం సృష్టించారు. ఆ క్రమంలో ఒక ఉద్యోగిని తన ప్రాణాలతో తన సహోద్యుగుల సహాయంతో తప్పించుకో గలిగింది. ఇతర ప్రాంతలలోని, ఆ నేతల అనూనయులు లేదా వారి అనుచరులు కొందరు, కొన్ని దిష్టిబొమ్మలు తయారుచేసి వాటికి, ఆంధ్రజ్యోతి - "రాధాకృష్ణ", సంపాదకుడు శ్రీనివాస్ పేర్లు తగిలించి, చెప్పులతో కొట్టి వాటిని దహించి తమ నిరసనని, ఆ నేతమీద తమకున్న అభిమానాన్ని తెలియజేసుకున్నారు.

ఏ దళితుల ఉద్యమాని తాము ప్రోత్సహించారో, అదే వర్గానికి చెందిన నాయకుడు ఒక పధకం ప్రకారం, తన సిబ్బందిమీద, తన కార్యాలయాల మీద దాడి చెయ్యడానిని గర్హిస్తూ ఆంధ్రజ్యోతి సిబ్బందిలోని కొంతమంది, ఒక "దిష్టిబొమ్మ" ని తయారుచేసి దానిని "దూషించి, అవమానించారు, కాల్చారు."

దళితులమీద అత్యాచార నిరోధక చట్టం క్రింద అది నేరం అంటూ ఆ సంపాదకుడిని, ఆంధ్రజ్యోతి ఎమ్. డి రాధాకృష్ణ , విలేకరులు వంశికృష్ణ, శ్రీనివాస్ ని గూడా అరెస్టు చెయ్యాలని, లేని పక్షంలో తీవ్రమైన పరిమాణాలను ఎదుర్కొనాల్సి ఉంటుందని మంద కృష్ణ మాదిగ ప్రభుత్వాన్ని హెచ్చరించాడు. నాటకీయంగా, రాత్రిపూట హుటాహుటిన ప్రభుత్వం సంపాదకుడు శ్రీనివాస్‌, విలేకరులు వంశీకృష్ణని,శ్రీనివాస్‌ని అరెస్ట్ చేసింది.

చట్టం ముందు అందరు ఒక్కటి కాదు అన్నది ఇక్కడ నిరూపితమయ్యింది.

* * *

వై.ఎస్. రాజశేఖరరెడ్డి, నారా చంద్రబాబు నాయుడు లాగానే, దళితులు ఆత్మగౌరవంతో జీవించడానికి, కులంపేరు అడ్డంకి కారాదు అంటూ, తన "మాదిగ" కులాన్ని సూచించే పదాన్ని పేరులోనే ఇముడ్చుకుని మంద కృష్ణ మాదిగ గా ఎదుగుతు, బడుగు, అణగారిన వర్గాలకు నేతృత్వం వహిస్తు ఒక సామాజిక ఉద్యమకారుడిగా మారాడు.

మరి పేరులోనే తన కులాన్ని ఇముడ్చుకున్న కృష్ణ మాదిగ, తన కులం పేరుతో తనని ఒక బహిరంగ ప్రదేశంలో దూషించి అవమానించారనడం విడ్డూరం.

* * *

ఇక ఈ సభ్య సమాజంలో దిష్టిబొమ్మలను తగలేసి నిరసనను తెలియజేసుకోలేని పరిస్థితులలో, వ్యక్తుల ప్రాణాలు తీసి, ఆస్తులను విధ్వంసంచేసి, ఒక ఆటవిక న్యాయానికి పోరుబాటను చూపిస్తూ మార్గాన్ని సుగమం చెయ్యాలా?

* * *

ముఖ్య మంత్రి రాజశేఖర రెడ్డి కి మంద కృష్ణ మాదిగ, ఆర్. కృష్ణయ్య తదితరులకి అవినాభావ సంబంధాలున్నవన్న ఆరోపణల నేపధ్యంలో స్వచ్చమైన, మచ్చలేని మేలు జాతి వజ్రం లాంటి వ్యక్తిత్వమున్నవారు ప్రవర్తించే తీరేనా ఇది?

నిజంగానే ఈ నేతలు, ఉద్యమకారులు, అటువంటివారైతే, ఈ అగ్రకుల రాజకీయవేత్తలు తమ రాజకీయ చదరంగంలో వీరిని పావులుగా వాడుకుంటున్నారా?

ఒక వేళ అదే నిజమైతే, వీరి ఉద్యమం గతేమిటి?

ఈ రాష్ట్ర ప్రజల భవితేమిటి?

సామ్ మనెక్‌ షా కి నివాళి

2008-06-26T23:46:00.000-07:00

మీరు ఒక్ఖసారి, ఈయనని తలుచుకోండీ!

ఈయన్ని గురించి ఇక్కడ చదివి తెలుసుకోండి.
నేటి "ది హిందు"లో సంపాదకీయం.
ఇంకొక వ్యాసం

"If anyone tells you he is never afraid, he is a liar or a Gurkha!"

Field Marshal

Sam Hormusji Framji "Sam Bahadur" Jamshedji Manekshaw MC

(April 3, 1914 – June 27, 2008)

ఏం చేస్తారండి?

2008-06-25T21:41:00.000-07:00

నెటిజన్‌ని అభిమానించే వారనండి, శ్రేయోభిలషులనండి, వారిని బహుశ ఒక చేతి వేలి మ్రీద లెఖబెట్టవచ్చు.
జాగ్రత్తగా ఉండమంటున్నారు.

ఏం చేస్తారండి?
మెడ మీద తల తీస్తారా?
కాళ్ళూ చేతులు విరక్కొడతారా?
జీవచ్చవంలాగ మిగిలిన జీవితాన్ని, ఏ మంచం మీదో గడిపేలాగా చేస్తారా?
ఏం చేస్తారండి?
దేనికి వెరిచేదిలేదు.

కులాలకురుక్షేత్రం - శాంతి భద్రతల సమస్య?

2008-06-25T21:18:00.000-07:00

గమనించారా!
దీన్ని ఎటు వైపు మళ్ళిస్తున్నారో?
మళ్ళీ మరో కులాలకురుక్షేత్రం మొదలైనా ఆశ్చర్యం లేదు.
మనం జాగరూకతతో ఉండాలి!
దానికి తావివ్వకూడదు.
సంయమనం పాటించాలి.
విచక్షణను కోల్పోరాదు.
ఇది నేటి ఆంధ్రజ్యోతిలో, రెండవ పేజీలో -

ఆంధ్రజ్యోతి సంపాదకుడు, శ్రీనివాస్ - దళిత వ్యాసాలు

2008-06-25T08:59:00.000-07:00

బడుగు జీవుల, అణగారిన ప్రజల నేత మంద కృష్ణ మాదిగ దిష్టిబొమ్మని చెప్పులతో కొట్టినవాడుగా ఆరోపించబడి, రెండు వారాలు రిమాండు అరెస్టుతో చంచల్‌గూడా కారాగారంలో సమయాన్ని గడుపుతున్న ఆంధ్రజ్యోతి సంపాదకుడు, శ్రీనివాస్, ఆ అణగారిన, దళితుల కోసం తన కలంతో ఎలా పాటుబడ్డాడో, మరొక దళితుడి మాటల్లో ఇక్కడ చదవండి.

ఇది బుధవారం,25 జూన న వెలువడిన ఆంధ్రజ్యోతి దినపత్రికలోని తొమ్మిదవపేజిలోని వ్యాసం.

వ్యాసకర్త: ఘంటా చక్రపాణి, సామాజిక పరిశోధకుడు

వాళ్ళందరికి బెయిల్ దొరికిందండోయి!

2008-06-25T06:03:00.000-07:00

బ్లాగులకి పత్రికలు కావాలి!
బ్లాగుల గురించి పత్రికలు రాయాలి!
అందులో పేరు చూసుకుని సంతోషించాలి!
కాని ఆ పత్రికల స్వేచ్హ మీద దాడి జరిగినప్పుడు, ఈ బ్లాగ్ ప్రపంచంలో ఎంత మంది తమ సంఘీభావాన్ని తెలిపారన్నది ఆలోచించాల్సిన విషయం!
మీకు తోచింది చెయ్యండి!

వీళ్ళందరికి బెయిల్ దొరికిందండోయి!

ఈయనే ఆంధ్రజ్యోతి సంపాదకుడు - శ్రీనివాస్.

ఆంధ్రజ్యోతి మీద మళ్ళీ దాడి

2008-06-25T04:47:00.000-07:00

మంద కృష్ణ మాదిగ మందస్వామ్యం

2008-06-17T19:30:00.000-07:00

ఆంధ్రజ్యోతి మీద మళ్ళీ దాడి జేస్తారంట!
మాదిగ రిజర్వేషన్ పోరాట సమితి సభ్యులు కానివ్వండి, ఆంధ్రజ్యోతి "బాడుగనేతలు" అని పేరిడిన నేతల సంస్థల సభ్యులు కానివ్వండి, వారు కూడ, ఈ సమాజంలో సభ్యులే కదా?
మరి వారికి, ఈ న్యాయ సభలు, చట్టాలు పనికి రావా?
అన్యాయం జరిగినప్పుడు వారు వాటిని అశ్రయించరా?
వారికి నీతి లేదా?
వారి నీతి వేరా?
వారి ధర్మాలు వేరా?
వివాదాలని సామరస్యంగా కూర్చుని పరిష్కరించుకునే అవకాశం లేదా?
సంయమనం పాటించరా?
ఆటవిక న్యాయంతో పాశవీక చర్యలకు పాల్పడి, తమకు జరిగిన అన్యాయాన్ని ఎదుర్కోవడమే వారికి తెలుసా?
ఇదేనా వీరి న్యాయం?
ఇదేనా వీరి ధర్మం?
మరి ఈ చట్టలేందుకు, న్యాయ వ్యవస్థలెందుకు?
ఈ రక్షణ దళాలెందుకు?
నేతలు ప్రవర్తించే తీరు ఇదేనా?
ఇది ప్రజాస్య్వామనిపించుకోదు.
ఇది మంద స్వామ్యం!

ఇది నేటి ఈనాడు లోని వార్త!

ఇది నేటి సాక్షి లోని వార్త!

వగలాడి అంజలి ఒక 420

2008-06-13T09:05:00.000-07:00

మన పోలిసోళ్ళు ప్రెస్ మీట్ పెట్టి, అందరికి చెబుతారు కదా, ఇక్కడ ఇలాంటి ఘోరం జరిగింది, దానిని మేము ఇలా పరిష్కరించాము అని. ఆ పోలిసోళ్ళు చెప్పిందే ఈ విలేకరులు వ్రాసుకుంటారు. ఆ టీ వీ వాళ్ళు చూపిస్తారు. అలాంటి ఒకానొక పత్రిక - ఈనాడు లో (అంజలి 420 కధ జూన్ 10న హైద్రాబాద్ ఎడిషన్ పేజి 5లో )విలేకరి వ్రాసింది - ఈనాడులో ఇక్కడ చదవండి.
అంజలి కధ బ్లాగరి మాటల్లో ఈ క్రింద చదవండి.

ఇది అంజలి కధ.

అంజలి ఒక 420.
అంజలి ఒక నెరజాణ.
వగలాడి.
ఒక మోసగత్తె.
ఒక టక్కులాడి.
వగలు పోతు తన అందంతో మగవాడిని ఉచ్చులోకి లాగి వాడి జేబులో డబ్బు, మెడలో బంగారపు గొలుసులు లాఘవంగా లాగేస్తుంది. వాడు తాగి విజృంభిస్తానంటే అలాగే అంటుంది తనలో తాను నవ్వుకుంటూ. తెలిదుగా ఆ అమాయకుడికి. వాడు నువ్వుకూడా తాగు అంటే కంపెని కోసం అంటూ తాగుతుంది. వాడితో తాగిస్తుంది. వాడు ఆ మత్తులో మునిగే దాక తాగిస్తుంది. తరువాత వాడివన్ని వొలుచుకుని తప్పుకుంటుంది. ఇలాంటి ఆడది దొరికితే ఏ మొగాడు చొంగ కార్చుకోకుండా ఉంటాడూ? పైగా వయసులో ఉన్న ఆడది. ఎర్రగా, పొంకంగా ఉన్న అంజలి పొందుకూడ ఎంత రంజుగా వుంటుందో ! వెమ్మట పడి తనతో రమ్మనకుండా ఉండగలడా? మనకి మన విలేకరి ఇంకోటి కూడా చెపుతున్నాడు - ఈ వగలాడి పెళ్ళి కూడా చేసుకుంది. మొగుడ్ని చంపేసింది కూడా.
ఇది అంజలి కధ - ఈనాడులో.

* * *

ఇది స్వాతి కధ

పెద్ద అడిసేపల్లి గ్రామంలోని రాములు కూతురు స్వాతి. స్వాతి కి ముగ్గురు చెళ్ళెళ్ళు. స్వాతి తల్లికి కూడా కష్టంగానే ఉండేది వీళ్ళని సాకడం. అందుకని రాములు, యాదమ్మ పిల్లలతో భాగ్యనగరం చేరుకున్నారు. సరూర్‌నగర్ ప్రాంతంలోని బస్తిలో కూలీలుగా జీవనం మొదలుబెట్టారు. ఆ దగ్గిరలోనే ఒక గుడికుడా ఉంది. స్వాతి గుడికి వెళ్ళేది.ఆ గుడిని శుభ్రం చెయ్యడం లాంటి చిన్ని చిన్ని పనులు చేస్తూ ఉండేది. స్వతహాగా కలుపుగోలు పిల్ల. అందరితోను కలిసిపోయింది.

రాములు ఒక గుత్తేదారు (కాంట్రక్టర్) దగ్గిర పనికి కుదిరాడు. అప్పుడప్పుడూ తనతో పనిలోకి తను పనిచేసే చోటుకు స్వాతిని కూడా తీసుకెల్లేవాడు. వయస్సులో ఉన్న పిల్ల. ఎర్రగా బుర్రగా ఉంది.మాములేగా! రాములు యజమాని కళ్ళు స్వాతి మీద పడ్డాయి. ఏదో ఒక మిష మీద స్వాతి కోసం బస్తి కి వచ్చేవాడు. ఫొనులు చేసి పిలిపించుకునేవాడు. బస్తిలో వాళ్ళందరు చెవులు కొరుక్కొవడం మొదలుపెట్టారు. స్వాతి శీలం మీద చర్చ మొదలయ్యింది.

శ్రీనివాస్, కృష్ణ, నగేష్, అనంద్‌కుమార్‌లు స్నేహితులు. ఆ రోజు శుక్రవారం. మార్చ్ 31. 2006. స్వాతిని వాళ్ళు కబుర్లలోకి దించారు. బలవంతంగా ఆటో ఎక్కించారు. కంచన్‌బాగ్‌కి తీసుకెళ్ళారు. అది ఇది చెప్పారు. మద్యం తాగించారు. వాళ్ళు తాగారు. ఒకళ్ళ తరువాత ఒకళ్ళు స్వాతిని చెరిచారు. దాఋణంగా, పాశవికంగా, రాక్చసంగా స్వాతి శీలాన్ని చిద్రం చేసారు. అప్పటిదాక కలివిడిగా, తలలో నాలుకగా ఉండే స్వాతి, నలుగురికి సహాయం చేసే స్వాతి, కృంగిపోయింది. ముడుచుకుపోయింది. ఈ ప్రపంచానికి దూరంగా తన ఒంటరిలోకంలోకి వెళ్ళిపోయింది. తన ప్రపంచంలో మగవాళ్ళమీద విపరీతమైన ద్వేషం పెంచుకుంది.

ఆ నలుగురు మీద ఫిర్యాదు చేస్తాను, తోడు రమ్మనమని అడిగింది. ఎవ్వరు తోడు రాలేదు. తనే ఒంటరిగా పోలిసు స్టేషన్‌కి వెళ్ళింది. వాళ్ళ మీద ఫిర్యాదు చేసింది. ఆ నలుగురు మెట్లు దిగి వచ్చారు. రాజీ అన్నారు. స్వాతి శీలానికి వెల కట్టారు. అక్షరాల అరవై వేల రూపాయలు. స్వాతికి ఇరుగు పొరుగు ప్రవర్తనలో స్పష్టమైన తేడా కనపడింది.

బస్తిలో ఒకసారి గొడవ జరిగింది. ఒక మహిళ మంగళ సూత్రం పోయింది. అందరి కళ్ళు స్వాతి మీదే.ప్రశ్నించడంలేదు అవి. స్వాతి ని రిమాండ్‌కి పంపారు. తల్లితండ్రులు దూరమయ్యారు. అదను దొరికింది. నేనున్నానుగా అంటూ రఘు దగ్గిరయ్యాడు. రసాన్ని అంతా తాగి పిప్పిని ఊసినట్టు ఉసేసాడు. ఒంటరి ఆడది. జైలుకెళ్ళినప్పుడైన ఖర్చులు. డబ్బు అప్పుతీసుకుంది. వాళ్ళందరు పీక్కు తినడం మొదలెట్టారు. త్రాగి మరిచిపోవడం మొదలుబెట్టింది. ఐస్‌క్రీంలు అమ్మే మస్తాను పెట్టిన ఐసుకి కరిగిపోయింది. మళ్ళీ మగవాడిని నమ్మింది. డబ్బులిచ్చాడు. ఒకరోజు రా పక్కలోకి అని అడిగాడు. రాను పొమ్మంది. చెయ్యిబట్టుకు లాగాడు. చీ, చెయ్యివదులు అంటు తోసింది. వాడు వెనకకి పడ్డాడు. స్వాతి మరో వైపుకి పడింది. మస్తాను తల పగిలింది. వాడికి నూకలు చెల్లాయి. స్వాతి తలకి బలమైన గాయం అయ్యింది. మతి తప్పింది. మళ్ళీ వచ్చింది. మళ్ళీ పోయింది. స్వాతి మతి స్థిరం పోయింది.

బ్రతకడానికి డబ్బులు కావాలి. అందుకని ఏ టి ఎం సెంటర్ల దగ్గిర మాటు వేస్తుంది. తను అసహ్యించుకునే మగవాడికి తన సెక్సీ నవ్వుతో ఆహ్వానం పలుకుతుంది. వాడికి తన మేని చాయతో ఎర వెస్తుంది. మాటల గారడితో బోల్తా కొట్టిస్తుంది. వాడి వెనక బైకు మీద కూర్చుంటుంది. వాడికి మత్తెకిస్తుంది. వాడి జేబులో చెయ్యిపెడుతుంది. డబ్బులు లాగేస్తుంది. వాడి కార్డులో డబ్బులుకూడా లాగేస్తుంది.

ముషిరాబాదులో ఒక ఏ టి ఎం దగ్గిర ఒకడు స్వాతి నవ్వులో పడి గిరికీలు కొట్టాడు. ఆనందంతో వంకీలు తిరిగిపొయ్యాడు. రా అన్నాడు. నవ్వుకుంది. సరే పద అంది. ఇంటికి వెల్దాం అన్నాడు. తీసుకెళ్ళమంది. వాడి బుర్రలో మందు, విందూ, పొందూ ఉంది. మందుకి కూడా "సై" అంది. ఇద్దరు తాగారు. తిన్నారు. వాడు పడుకున్నాడు. స్వాతి పడుకోలేదు. తనకి కావల్సినవి తీసుకుంది. వాడిని చూసి నవ్వుకుంది. చీకట్లోకి తప్పుకుంది. వాడికి మెళకువ వచ్చింది. లబో దిబో. పోలిసులున్నారుగా. పరుగెత్తుకెళ్ళాడు.
వాళ్ళు వల విసిరారు.
లేడి వాళ్ళకి చిక్కింది.
ఎర్రగా బుర్రగా ఉంది.
పత్రికల వాళ్ళని పిల్చారు.
స్వాతిని చూపించారు.
వాళ్లు వ్రాసుకున్నారు.

టీ వీ వాళ్ళని పిలిచారు.
వాళ్ళు వచ్చారు.

స్వాతిని చూపించారు.
ఒంటరి ఆడది.
చీ, ఇది ఆడదేనా అని అన్నారు?
ఆ అన్నది ఆడ ఆంకర్‌లే!

ఇప్పుడు చెప్పండి, ఎవరి కధనం బాగుంది?

ఈనాడు దా? సాక్షిదా?

సాక్షి లోని ఈ కుర్రాడెవడో స్వంత బుద్ధిని ఉపయోగించి ఆ అమ్మాయి వెమ్మట బడి కొంత వివరాలు తెలుసుకున్నాడు.

ఆంగ్లంలో అంటారు - "a girl with a good geography has always a history" అని. అందుకే తన వార్త(?) కి "అందమే నా నేరమా?" అని శీర్షిక పెట్టాడు. అతనికి అంత ఆంగ్ల భాష పరిజ్ఞానం ఉందని అనుకోనఖర్లేదు. ఈ టపా ముఖ్య ఉద్దేశం కూడా అది కాదు కాబట్టి దాన్ని పక్కన బెడదాము.

విషయం ఒకటే!
రెండు పత్రికలు.
ఇద్దరు విలేకరులు.
రెండు కోణాలు!
నాణేనికి రెండూ పార్శ్వాలు.
ఏది నిజం?
ఏ కధనం సబబు?
వృత్తిపరంగా ఎవరి కధనం సరైనది?
ఎవరి వార్త ని నమ్మాలి?

ఈ బ్లాగరి కధనం పక్కన బెట్టండి.

అక్షర ఉద్యమం

2008-06-11T10:33:00.000-07:00

కొత్త పాళీ గారు బత్తిబంధ్ కి పిలుపునిస్తూ కొంతమంది బ్లాగర్లను, భూతాపం (గ్లోబల్ వార్మింగ్) మీద తమ తమ అభిప్రాయాలాను తోటి వారితో పంసుకోమన్నారు. ఆ సందర్భంలో ఒక బ్లాగరి - "భారతానికి కావలసింది దీపాలార్పడం కాదు. దీపాలు వెలిగించడం. both literally and metaphorically. వేల గ్రామాలు ఇంకా విద్యుద్దీపాలు చూడని దేశంలో నిజంగానే దీపాలు కావాలి. ఇరవై నాలుగ్గంటలు నియాన్ లైట్ల క్రింద కూచ్చునే వాడికి ఒక గంట ఆర్పేసు కూచ్చోవటం నావెల్టి. :౦) ఇంత పూనకమొచ్చినట్టు ఏదైనా చెయ్యాలనుకుంటే అక్షరదీపాలు వెలిగించడం గురించి ఎందుకు ఉద్యమించరు?" అంటూ ప్రశ్నించారు.

దానికి ఒక మేరకు కొంత సమాధానం ఇది. పత్రికల ద్వార జరుగుతున్న "అక్షర ఉద్యమం" కి ఒక పార్శ్వం మాత్రమే!
మిగతా పత్రికల ద్వారా " అక్షర ఉద్యమం" జరగడం లేదు, వారు చెయ్యడంలేదు అని ఇక్క డ చెప్పడం ఉద్దేశ్యం కాదు. కేవలం ఈ పత్రికలోని వార్త అందుబాటులో ఉండడంవలన దీనిని మీతో పంచుకోవడం జరుగుతున్నది.

అలాగే ఈ ప్రక్రియే "అక్షర ఉద్యమం" అని నిర్వచించబూనుకోవడంలేదు. ఇలా కూడా చేయవచ్చు, చేస్తున్నారు, ఇలాంటి సత్కార్యాలను, పత్రిక యాజమాన్యాలు ప్రోత్సహిస్తునే ఉంటవి అని చెప్పడమే ఈ టపా ఉద్దేశ్యం.

ఇక "అక్షర ఉద్యమానికి" ఎవరైనా ఒక రూప కల్పన చెసి, ఒక ముసాయిదా ప్రణాలిక తయారు చెయ్యడానికి ముందుకు వస్తే, వారికిదే ఇదే ఆహ్వానం.

అక్షరం తిరగ బడింది.

2008-06-10T18:48:00.000-07:00

అక్షరం ఎదురు తిరగలేదు.
తిరగ బడింది.

పెన్నుని గన్ను గా పట్టుకుని దేశాన్ని ఉద్ధరిద్దా మని అనుకునే వాళ్ళు కొంతమంది ఐతే, కులాలకతీతంగా, కలాన్ని అమ్ముకుని డబ్బులు సంపాదిద్దామనుకునే వారు మరి కొందరు. తమ చుట్టు ఉన్న సమాజంలో కుళ్ళుని చూసి, దాని శుభ్రం చెయ్యాలని, తమ చుట్టు పెరుగుతున్న కలుపు మొక్కలని ఏరి పారెయ్యాలాని దానికి ప్రసార మాధ్యమాలైన పత్రికలే తమ అక్షరానికి ఊతం ఇస్తాయని ఆ మార్గాన్ని ఎన్నుకుని మంచి పాత్రికేయులు కావాలని కొంతమంది. నేటి సమాజంలోని ఋగ్మతలకి క్షీణించిన సామాజిక విలువలే కారణం. కాబట్టి, ఉదాత్తమైన విలువలని మళ్ళీ ఈ తరానికి పరిచయంచేయ్యాలంటే మంచి సాహిత్యం కావాలి, మంచి సాహిత్యం అందరికి అందుబాటులో తీసుకెళ్ళాలంటే పత్రికలే తగిన సాధనాలు. ఆ పత్రికా విధులని సరిగ్గా నిర్వర్తించాలంటే దానికి తగిన విద్యార్హతలు నేర్వాలి.

అలాంటి విద్యని మన పొట్టి శ్రీ రాములు తెలుగు విశ్వవిద్యాలయం నేర్పుతున్నది. అందుకని మన రాష్ట్ర రాజధాని ఐన భాగ్యనగరానికి చేరి అక్కడున్న ఆ తెలుగు విశ్వవిద్యాలయం లో ప్రవేశం పొంది, ఉత్తమ పాత్రికేయాన్ని అభ్యసిస్తూ, ఈనాడులోనో, అంధ్రజ్యోతిలోనొ, సాక్షి లోనో ఎదో ఒక తెలుగు పత్రికలో "వార్త" లు రాసే ఉద్యోగం సాధించలేకపోతామా, కలను సాకారం చేసుకోలేక్పోతామా అని ఈ "ఔత్సాహిక భవిష్యత్ పాత్రికేయులు" ఆ పొట్టి శ్రీరాములు తెలుగు విశ్వవిద్యాలయంలో చేరారు.

కాని వారికి తెలియదు, కరడు గట్టిన స్వార్ధంతో, ముక్కులు పగిలిపొయ్యే దుర్గంధంతో నిండిపోయిన ఆ పొట్టి శ్రిరాములు తెలుగు విశ్వవిద్యాలయం వారికి కావల్సినది పని పాటా లేని ఉద్యోగం అనిన్ని, నెలాఖరికి జీతమున్ను, అవి రెండు పుష్కలంగా సర్కారు వారి కొలువులే మాత్రమే దొరుకుతాయి కాబట్టి దానీ చంపేయ్యకుండా, అలాగని పూర్తిగా ఆరోగ్యవంతంగా బతకకుండా ఉంటే, ఇలాంటి విద్యార్ధి దౌర్భాగ్యులు (అవును వారి దృష్టిలో, ఆ విద్యార్ధులందరూ దౌర్భాగ్యులే) వస్తూ ఉన్నన్నినాళ్ళు తమకి, తమ పదవులకి, జీతాలకి ఢోకా ఉండదని వాళ్ళు ఎవేవో కొత్త కొత్త ప్రణాలికలు వేసుకుంటు వచ్చినవాడి చెవులో - పూలు పెడుతూ తమ పబ్బం గడుపుకుంటున్నారు.

ఇక ఆ పప్పులు ఉడకవని - తెలుగు విశ్వవిద్యాలయానికి పట్టిన తెగులుని తొలగిస్తామని విద్యార్ధులు ఏకంగా తెలుగు విశ్వవిద్యాలయం మీదే దావా వేసారు. బహుశ ప్రపంచకంలో విద్యార్ధులే విశ్వవిద్యాలయం మీద దావా వెయ్యడం ఇదే ప్రధమమైఉండాలి. మన పొట్టి శ్రి రాములు తెలుగు విశ్వవిద్యలయాన్ని అలాగున గిన్నెస్ బుక్ ఒఫ్ రికార్డ్స్‌లోకి, లింకా బుక్ ఆఫ్ రికార్డ్‌లోకి ఎక్కించిన ఘనత కూడ తెలుగు వారిదే అవుతుంది.

దాని వివరాలు ఇక్కడ చూడండి.

హాస్యాస్పదమైన విషయం ఏమిటంటే జాలంలో ఉన్న తెలుగు విశ్వవిద్యాలయం గూడులొని వివరాలన్ని కూడా ఆంగ్లంలోనే ఉన్నవి. అది మన తెగులు విశ్వవిద్యాలయం సంగతి.

నమ్మరా? వెళ్ళి చూడండి! http://www.teluguuniversity.ac.in/

ఆత్మరక్షణ కోసం మా వాళ్ళు నాలుగు రాళ్ళు విసిరితే దాడిగా చిత్రించడం పద్దతేనా?

2008-06-10T03:52:00.001-07:00

ఆంధ్రజ్యోతి మీద ఒక ప్రణాలిక ప్రకారం చేసిన దాడిని సమర్ధించుకుంటు, ఒక కులానికి ప్రాతినిధ్యం వహిస్తున్న సంస్థ అధ్యక్షుడిగా ఆయన అనవలసిన మాటలేనా ఇవి?

ఇది అన్నది హృద్రోగ చిన్నారులు, వికలాంగుల పక్షాన నిలబడి ఉద్యమించిన మాదిగ రిజర్వేషన్ పోరాట సమితి అధ్యక్షుడు. ఎంతవరకు సబబండి ఈ మాటలు?

జూన్ 7 వ తేది, మంగళవారం, 2008 న ఈనాడు దినపత్రిక, మెయ్న్ ఎడిషన్, 4 వ పేజిలోని వార్తని ఇక్కడ చదవండి.