సహజీవనమే సరైనది. వివాహం కాదు.

సంప్రదాయాలప్రకారం పెద్దలు కుదిర్చిన వివాహాలలో స్త్రీ పురుష సంబంధాలు స్నేహపూరితమైన వాతావరణంలో తమ సహజీవనాన్ని సాగించలేవు. అందుకనే వారిలో విడాకులు, వివాహేతర సంబంధాలు ఎక్కువ. వీరు " లోకులు ఏమనుకుంటున్నారు అనే దానికి విలువనివ్వరు”.

భార్య భర్తల మధ్య ఏవో కొన్ని సమస్యలు రాక మానవు. వివాహ బంధం దానికి పరిష్కార మార్గం చూపించలేదు. సహజీవనం లో, స్త్రీ పురుషులిద్దరు చక్కటి స్నేహితుల వలే ఉంటారు. కాబట్టి వారు తమ మధ్య పొరపొచ్హాలకు అనవసరమైన అనుమానాలకు అవకాశం ఇవ్వరు.

కాబట్టి, ఏ విధం గా ఆలోచించినా సాంప్రదాయ వివాహం వెలుపలున్న "సహజీవనం" అన్న వ్యవస్థే - స్త్రీ పురుషుల జీవనానికి, సాంఘిక పురోగతికి, రేపటి తరానికి మార్గ దర్శకం అవుతుంది అనడంలో సందేహం లేదు.

సహజీవనం గురించి సరైన అవగాహన ఉండి, అలా కలిసి బతకాలనుకున్నవారికి చాలా ధైర్యం కావాలి. ఎవరి స్వశక్తి మీద వారికి నమ్మకం ఉండాలి. స్త్రీ పురుష సంబంధాలు స్నేహపూరితంగా ఉండాలనుకున్నవారే ఆస్తి, అధికారం, వంశం, వారసత్వం, కర్మకాండలతో ముడిపడిన వివాహాల కంటే సహజీవనం మేలనుకుంటారు. అపోహలను పట్టించుకోరు. లోకులు ఏమనుకుంటున్నారు అనే దానికి విలువ ఇవ్వరు. ఒకరి మీద ఒకరికి నమ్మకం ఇక్కడ ప్రధానం.

ఇద్దరు మనుషులు కలిసి ఇన్ని వైరుధ్యాలున్న సమాజంలో బతికేటప్పుడు ఎవో సమస్యలు రాక మానవు. సహజీవనం వాటిని సామరస్యంతో సున్నితంగా పరిష్కరించుకునే అవకాశాన్నిస్తుంది. ఇతరుల జోక్యం తక్కువగా ఉండటం వల్ల సమస్యలను త్వరగా పరిష్క రించుకోగలరు. తన జీవితం తన చేతుల్లో ఉంచుకుని ఆ తర్వాత తన సహచరి / సహచరుడి పట్ల, పిల్లల పట్ల, చుట్టుపక్కల వారితో సమాజంలో బాధ్యతతో ఊండగలిగిన వారే ఈ జీవితాన్ని ఎంచుకోవడం మంచిది.

- ఓల్గా, రచయిత్రి