పోలేపల్లిలో కొన్ని పొలాలను ప్రస్థుత ప్రభుత్వం స్వాధినం చేసుకుని, ప్రత్యేక ఆర్ధిక మండలి (S E Z - Special Economic Zone)ని ఏర్పాటు చేసి ఆ స్థలాలని కొన్ని వ్యాపార సంస్థలకు ఇచ్చిందన్నది వార్త. ఆ భూసేకరణ మూలంగా కొంత మంది రైతులు ప్రాణాలు కోల్పొయ్యారన్నది ఈనాడు కధనం.

చనిపోయినవారిలో "వెంకన్న" ఒకడు. అతన్ని గురించి ఈనాడు ఒక ప్రత్యేక కధనం వెలువరించింది.

ఈనాడు ఉదహరించిన "వెంకన్న" చనిపోలేదు. అతను బ్రదికే ఉన్నాడని "సాక్షి" దిన పత్రిక దానిని ఖండిస్తు ఒక వార్తని ప్రచురించించింది.


ఈ వ్యవహారం బ్లాగ్లోకంలోకి విశాఖతీరాన ప్రవేశించింది.
క్లుప్తంగా ఈ టపా నేపధ్యమిది.

చెరుకూరి రామోజి రావు కి ఆంధ్రప్రదేశ్ ముఖ్యమంత్రి రాజశేఖర్ కి ఉన్న మనస్పర్ధలు చదువరులకి తెలుసు.

రామోజీ రావు వ్యాపార సంస్థలమీద ప్రస్తుత అధికార ప్రభుత్వం చేస్తున్న అధికారిక అనధికారిక నిజనిర్ధారణ దాడుల గురించి కూడ చదువరులకు తెలుసు.

నిష్పక్షపాత దినపత్రిక "సాక్షి" ని మొదలుబెట్టడానికి కారణం, "అసలు" విషయాలను "రంగు" పులమకుండా తెలుగు ప్రజలకు చేరవేయాలన్న సదుద్దేశమని రాజసేఖరుడి తనయుడు, జగతి పబ్లికేషన్స్ అధినేత, సాక్షి ప్రచురణకర్త, జగన్మోహన్ రెడ్డి తెలిపినది కూడా మీకు తెలుసు.

ప్రభుత్వం వల్ల జరిగిన అవకతవకలను "ఎండగడుతు" ప్రసార మాధ్యమాలు ప్రత్యేక కధనాలను ప్రచురించినప్పుడు, దానికి జవాబుని తత్సంభదిత ప్రభుత్వ అధికారులు ఇవ్వడం ఇప్పటిదాక ఉన్న సత్సంప్రదాయం.

"ఒక పత్రిక"లో వచ్చిన వార్తని "ఖండిస్తు" మరో నిష్పక్షపాత పత్రిక కధనాన్ని వెలువరింఛడం కొత్త సంప్రదాయాలకు తెర తీస్తున్నది.

వ్యాపార సంస్థలకు లభార్జన కూడ ముఖ్యమే.యాజమాన్యలకు లాభాలు ఒక్కటే కాదు కొన్ని నైతిక విలువలుకూడా ఉండాలి. నేటితో అది తెలుగు వార్తా పత్రికలలో కొరవడింది. యాజమాన్యాల ఒత్తిడికి లొనయ్యే "మరుగుజ్జు" సంపాదకులున్నంత కాలం ఇక ఇటువంటి "కష్మలం" తో కూడిన వార్తలను చూడక తప్పదేమో.

ఆంగ్ల ప్రసార మాధ్యమాల అధినేతలు రాబర్ట్ మాక్స్వెల్ (Robert Maxwell), రూపర్ట్ మర్డాక్ (Rupert Murdoch) నిజ జీవితాలను ప్రతిబింబిస్తూ , జెఫ్రి ఆర్చర్ (Jeffrey Archer) వ్రాసిన "ఫోర్త్ ఎస్టేట్" (Fourth Estate) నవలను తలపింపజేస్తున్నవి మన ఈ తెలుగు దిన పత్రికలు.

అలంకార్ సెంటర్లో తేనీరు సేవిద్దాం పద అంటు బయల్దేరదీసాడు ఒక మిత్రుడు. టీ కొట్టు పక్కనే ఒక బడ్డి. పత్రికలన్ని తోరణం లాగ కట్టి వేలాడ దీసిఉన్నవి.

సినిమా పత్రికలు చిత్రజ్యోతి, జ్యోతిచిత్ర, సితార, సినీ ఒం హెరాల్డ్, కాగడ, విజయచిత్ర, ఫిల్మ్ ఫేర్, స్టార్‌డస్ట్ వగైరాల. ప్రతివాడు వస్తున్నాడు. చూస్తున్నాడు. వాడితోబాటు ఒకళ్ళొ ఇద్దరో. ఒకే పత్రిక రెండు మూడు కాపీలు. చదువుతున్నారు. బడ్డి యజమానికి డబ్బు‌లిస్తున్నారు. వెళ్ళిపోతున్నారు. చదివిన పత్రిక అతనికే ఇస్తున్నారు. వారు తీసుకెళ్ళడం లేదు. అవేమి బూతు పత్రికలు కాదు. కొనుక్కున్నవి తీసుకెళ్ళవచ్చు కదా. ఎందుకని తీసుకెళ్ళడంలేదు? అ సందేహాన్ని గ్రహించిన మిత్రుడి వివరణ తో విస్తుబోవ్వాల్సివచ్చింది.

వచ్చినవారు పత్రికని కొనుక్కోవడం లేదు. చదివిన పేజికింత అని అద్దె కడుతున్నారు. ఒకే పేజిని ఇద్దరు ముగ్గురు చదువుకుంటే వారందరు ఆ అద్దేని పంచుకుంటున్నారు. తెలుగు పత్రికలకి అద్దే ఎక్కువ. వాటిల్లో సినిమా పత్రికలకు ఇంకా ఎక్కువ.

హైదరాబాదులో ఒక ప్రముఖ తెలుగు పుస్తకాల దుకాణంలో, తమ దగ్గిరున్న "తెలుగు" పుస్తకాలని "జెరాక్ష్" చేసి ఇవ్వడం చూసి ఈ బ్లాగరు నిర్ఘాంత పోవడమైనది.

అందుకనేనెమో తెలుగు పుస్తకాలు అమ్ముడవ్వడంలేదు. తెలుగు పత్రికలకు ఆడరణ లేదు.

కిరణ్ గారికి నెనర్లు!
చక్కటి విషయం మీద టపా వ్రాయమన్నారు.
పైగా ఈ రోజు ప్రపంచ పుస్తక దినోత్సవం.


పుస్తకాలు, ఎటుచూసిన పుస్తకాలు.
బొమ్మలతో పుస్తకాలు.
రంగు రంగు బొమ్మలతో పుస్తకాలు.
రంగు రంగు బొమ్మల అట్టలతో పుస్తకాలు.
దళసరి అట్టలతో పుస్తకాలు.
అట్టలు లేని పుస్తకాలు.
అరిచేతిలోపట్టే పుస్తకాలు.
బాసిపట్టువేసుక్కూర్చుని, రెండు చేతులు జాపిపట్టుకున్నా బరువాపలేని పుస్తకాలు.
పొట్టి పుస్తకాలు.
పొడుగాటి పుస్తకాలు.
సన్నటి పుస్తకాలు.
లావాటి పుస్తకాలు.
తెలుగులో పుస్తకాలు.
ఇంగ్లిష్‌లో పుస్తకాలు.
శతకాలు.
ఎక్కాల పుస్తకాలు.
బాలశిక్ష.
చిన్న బాలశిక్ష.
పెద్ద బాలశిక్ష.
వినాయక వ్రత కల్పం.

నాన్నగారు ఏదన్న బయటి ఊరికి వెళ్తున్నారంటే పండగే.
వచ్చేటప్పుడు బోలెడు పుస్తకాలు తెచ్చేవారు.
అమ్మ బజారుకి వెళ్ళి వచ్చిందంటే చేతిలో ఎదో ఒక పుస్తకం లేకుండా వచ్చేది కాదు.
చెయ్యి జాస్తే పుస్తకం.
తలతిప్పితే పుస్తకం.

కధల పుస్తకాలు.
నవల పుస్తకాలు.
మీలో "పారిపోయిన బఠాణి" ఎంత మంది చదివారో?
నార్ల వారి "కీలుబొమ్మ"?
బుజ్జాయి, "పాతబంగళ" బొమ్మల కధ పుస్తకం.
"బుడుగు" లాగే మన తెలుగు వారికి ఇంకొక "భడవ" ఉన్నాడు?
ఎవరో చెప్పుకోండి?
"తిమురు అతని దళం" వ్రాసిందెవరు?
"చుక్కు" సోదరుడేవరు?
పాటల పుస్తకాలు, గీతాలు, బొమ్మలువెయ్యడం ఎలా?
"స్పుట్నిక్" ఇంట్లోకి వచ్చి వాలేది.

అబ్బో,ఎన్ని పుస్తకాలో?
ఇన్ని పుస్తకాలున్న స్వంత గ్రంధాలయం ఒదులుకుని మళ్ళీ ఇంకొక గ్రంధాలయానికి వెళ్ళాల్సిన అవసరం ఏది?

తరువాతి కాలంలో ఎప్పుడొ మొదటిసారి ఒక గ్రంధాలయానికి వెళ్ళాన సంగతి మరో టపాలో!



"You made me my day,Mr. Kiran."
మీకు శతకోటి నెనర్లు!

***
ఈ వారం బ్లాగ్ విషయం - మీ దగ్గరలోని గ్రంథాలయాలు

మీరు మీ దగ్గరలోని గ్రంథాలయాల గురించి, వాటి లోని ప్రత్యేకమైన పుస్తకాల
గురించి, మీరు ఇంతకుముందు దర్శించిన గ్రంథాలయాల గురించి, పుస్తకాలు అమ్మే షాపుల
గురించి , పుస్తకాలు అద్దెకి ఇచ్చే షాపుల గురించి వ్రాయవచ్చు.
--
----
నెనర్లు,
కిరణ్ కుమార్ చావా
http://www.oremuna.com
http://flickr.com/photos/chavakiran
naa sOdi

బ్లాగులు మొదలుబెట్టి ఈ బ్లాగ్‌లోకంలో మనలేక పారిపొయిన వారిని గురించి తెలిసింది. ఈ బ్లాగులలో అప్పుడప్పుడు అక్కడక్కడా "నా వీపు నువ్వు గోకు, నీ వీపు నేను గోకుతాను (You scratch my back, I'll scratch your back") అన్న అర్ధం వచ్చిన వాఖ్యలు ఎవరో అంటున్నారు అన్నది తెలిసినప్పుడు నిజామా అని ఆశ్చర్యపోయిన సందర్భాలున్నవి. ఎంత సేపు "ఇగొ పాంపెరింగ్" (ego pampering) తప్ప ఏమాత్రం విమర్శలని తట్టుకోలేరన్న నెపం ఉంది ఈ బ్లాగు సమూహం మీద.

"ఎంతసేపు "తెలుగు" మీద ప్రేమ అని అంటారు కాని " నాస్టాల్జియ" (nostalgia) ఎక్కువ ఆ బ్లాగర్లకి. అది తప్పితే ఇంకేమి కనపడదు. కొంతకాలం, చూసి ఇక వాళ్ళ బాధ పడలేక నా బ్లాగింగ్ మానేసాను" అని ఒక ప్రముఖులు అన్నప్పుడు ఒకింత బాధ వేసింది.

మరొక బ్లాగరు అక్షరాల సో కాల్డ్ కు"విమర్శ" లను తట్టుకోలేక తన రచనలని మానుకున్నారట. అది ఎంత దూరం వెళ్ళిందంటే, బ్లాగ్ ప్రపంచానికి కి ఆవలా,వెలుపలున్న పత్రికా ప్రపంచంలో అవకాశం వచ్చినా రచనలు చెయ్యకుండా ఉండేంత వరకు. ఆ బ్లాగరి ఎంత భయపడిపోయారంటే తన స్వంత పేరు మీద ప్రచురణకి ఒప్పుకోలేదు.

బహుశ ఆ బ్లాగరి లాంటి సున్నిత మనస్కులు నూటికి కోటికి ఒక్కరుండవచ్చు. కాని ఈ తెలుగు బ్లాగ్ గుంపులోని ప్రతి ఒక్క బ్లాగరు, ఒకసారి ఆత్మావలోకనం చేసుకోవాలి. బ్లాగరు పెద్దలు, అలాంటి సందర్భంలో మనకెందుకులే అని ఊరుకోకుండా సద్విమర్శలని అంగీకరించడం ఎలా అన్నది చూపించాలి. దానివల్ల ఒనగూరే లాభాలను వివరించాలి. అభిప్రాయభేదాలు తప్పని సరి. కాని తెలుగు బ్లాగరు సమూహానికే చెడ్డపేరుతెచ్చే ఇటువంటి ప్రవర్తనలు గర్హనీయం.

ఆనందం గారి జంబలకిడి పంబ "బ్లాగులోకంలో నారదుడు" చదివిన తరువాత:

ఈ మధ్య చాలమంది పుస్తక ప్రియులు బయట పడుతున్నారు.
చాలా సంతోషించదగ్గ పరిణామం ఇది.
వారు చదివి వూరుకుంటే బాగానే ఉంటుంది. కాని వూరుకోరుగా. వీళ్ళకి ఓ జబ్బు పట్టుకుంటుంది. ఆ చదవడం వచ్చింది కాబట్టి నెనొక గొప్ప విమర్శకుడిని / విమర్శకురాలిని అన్న దురభిప్రాయం ఏర్పరచుకుంటారు. ఇదిఒక జబ్బు. ఈ జబ్బుకి అంటుకున్న వారికి కొన్ని లక్షణాలు ఉంటవి.

నేను ఇది చదివాను.
నువ్వు చదవలేదా?
ఏం?
ఎందుకని?
ఐనా నువ్వు చదవకపొతే వచ్చే ఇబ్బంది ఏమిలేదులే! నీ ముఖానికి పుస్తకాలు కూడానా అని అనకుండా, వారి మాటల్ల్ల్లోనో, ముఖ కవళికల్లోనో ఇది చూపిస్తారు. ఈ బ్లాగుల పుణ్యమా అంటూ అది ఇంకా ముదిరింది ఈ మధ్యన. అదేదో "బర్డ్ ఫ్లూ"లాగా ఈ రోగం అందరికి అంటుకుంటున్నది. నా బ్లాగు, నా బ్లాగుకి నేనే సుమన్ ( ఇది ఎంకెవరి బ్లాగలోనో కనపడింది లేండి) అన్న లెఖలో అడ్డమైన చెత్త విమర్శ కింద రాసేస్తున్నారు. భాషకి బాసకి, కవిత్వానికి కపిత్వానికి, తేడా తెలియని విమర్శలు గుప్పిస్తున్నారు. బాధల్లా వీటిమధ్య పడి మంచి పుస్తకాలు, మంచి విమర్శలు, మంచి టపాలు చదవలేకపోతున్నామే అని !

సరేలేండి. దీనిమీద ఇంకొకసారి బ్లాగుకోవచ్చు.

ఈ లోపల "సాక్షి" - "రీడింగ్ రూం" లో కల్పన గారి " హవ్ టు టాక్ అబవుట్ బుక్స్ యు హవెంట్ రెడ్" (How to talk about books you haven't read)మీద పరిచయం చదవండి.

రెండు రూపాయాలకు కిలో బియ్యం పధకంని ఈ ప్రభుత్వం ప్రకటించింది. కిలో పదహారు రూపాయలనుండి పాతిక రూపాయలదాక ఖరీదు గల బియ్యాన్ని రెండు రూపాయలికే ఈ ప్రభుత్వం తెల్ల రేషన్ కార్డ్ ఉన్నవారికి అందిస్తామని ప్రకటించింది. నెలకి 20 కిలోలు.

ఈనాడు మహబూబ్ నగర్ లోని జడ్చెర్లలో రాజీవశేఖరుడు శ్రీకారం చుడుతున్నాడు.
ఇది వార్త.

ఈ వార్తని ప్రసారమాధ్యమాలు ఎలా వాడుకున్నవో చూడండి.
మీరే విశ్లేషించుకొండి.
ఎవరు నిష్పక్షపాతంగా వార్తని అందించారో గమనించండి.

"నేటినుండి రెండ్రూపాయల బియ్యం" అని విశాలాంధ్ర కామ్రేడులు అంటున్నారు.



ఈ వార్తకి సాక్షి - పేదవాడల్లో నేడు పండగ.

ఇది ఈనాడు వారి బెనర్ ఇది!

అంతా చదివారుకదా?
దయజేసి పక్కనే ఉన్న పోల్ లో మీ అబిప్రాయన్ని నమోదు చేయండి.
మిగతావారితో మీ అభిప్రాయాన్ని పంచుకోండి.

తెలుగుతల్లి పార్టి వ్యవస్థాపకులు, "ఉదయం" దినపత్రికని ప్రాంభించినవారూ,క్రీయాశీలక రాజకీయాలలో చురుకుగా పాల్గొని, కేంద్ర మంత్రి (బొగ్గు శాఖ)పదవిని పొందినవారైన శ్రీ దాసరి నారాయణ రావు ఆ పదవినుండి తప్పించబడ్డారు.

పోలీసుశాఖలో, సబ్ ఇన్స్పెక్టర్ ఉద్యోగార్హతలలో ప్రస్తుతం అమలులోనున్న వయో పరిమితిని 25 నుండి 28 పెంచమని B.C వర్గానికి చెందిన కొంత మంది విద్యార్ధులు నిన్న ఉస్మానియా యూనివర్సిటి ప్రాంగణంలో నున్న ఆర్ట్స్ కాలేజి పై అంతస్థుకి జేరుకుని ఆందోళనకి దిగారు. ఒక వేళ ప్రభుత్వం గనక "దిగి" రాకపోతే ఆత్మహత్య చేసుకుంటామని బెదిరించారు.

సాయంత్రం సుమారు 4-30 గంటల ప్రాతంలో మరొక విద్యార్ధి వర్గం బయలుదేరింది. వీరు SC, ST, BC వర్గాలకు ప్రాతినిధ్యం వహిస్తున్నట్టు చెప్పుకున్నారు. వయోపరిమితిలో మార్పు "unjustified" డిమాండ్ అని, దాని ద్వారా కొన్ని వర్గాలే లాభిస్తాయి గనుక "ఆత్మహత్య" ప్రయత్నాన్ని విరమించాలని వారు ఆందోళనకి దిగారు.

ఇదంతా తెలుసుకున్న రాష్ట్రముఖ్యమంత్రి, why yes or ఎలక్షన్లు దగ్గిరలో ఉన్నవని తెలిసినవాడు కాబట్టి, అందరితో శనివారం సాయంత్రం మాట్లాడుతాడన్న సమాచారం తెలుసుకున్న విద్యార్ధులు మేడ దిగి క్రిందకి దూసుకు వచ్చి అక్కడే ఉన్న విద్యార్ధి గుంపులలోకి జొరబడి పారిపొయ్యారు.

వారు పారిపొయ్యారు కాబట్టి ఎవరిని అరెస్టు చెయ్యడంకుదరలేదు. సాక్షాత్తు హైదరబాదు నగర పోలీసు కమిషనర్ బయ్యారపు ప్రసాద రావు గారి సమక్షంలోనే ఇదంతా జరిగినది.

ప్రసార మాధ్యామలన్ని కూడా అక్కడే ఉన్నవి. డిజిటల్, ఎలెక్ట్రానిక్ ప్రింట్ అందరూ అక్కడే ఉన్నారు.

ఫొటొలు తీసారు. మచ్చుకి రెండు ఫొటొలు.


ఏవండి వాళ్ళ మొఖాలు గుర్తుపట్టలేరాండీ?
అంతే లెండి బాలయ్య ఇంట్లో హంతకుడుని గుర్తుపట్టలేకపొయ్యారు.
ప్రశాంత రెడ్డి హంతకుడిని గుర్తుపట్టలేకపొయ్యారు.
ఆయేష హంతకుడిని గుర్తుపట్టలేకపొయ్యారు.
మరి వీళ్ళనెలా గుర్తుపడతారంటారా?
అదీ నిజమేలెండి.
కాని అండి, వాళ్ళు ఆ పనులు చేసేటప్పుడు తీసిన ఫొటొలు లేవండి.
వీరివి ఉన్నవిగా?
హ్రస్వ దృష్టి అంటారా?
మరి ఆ విద్యార్ధులలో నలుగురుని గుర్తించారు.
కాని అరెస్టు చెయ్యలేకపొయ్యారు.

ఈ మధ్య ప్రతివాడికి ఇదొక పని ఐపోయింది.

అమ్మాయి ప్రేమించలేదని కరెంటు స్థంభం ఎక్కి దూకుతాననేవాడొకడైతే, పెళ్ళాం మాటవినడం లేదని దూకుతాననేవాడు మరొహడు. కాని అలా అనే వాళ్ళే కాని దూకినవాడేవ్వడు కనపడటంలేదు. ఆఖరుకి, బసంతికోసం ధర్మేంద్ర కూడా దూకిన పాపాన పోలేదు.

మన విద్యార్ధులు ఎదిగారనుకోవాలా?
అలాంటి తుచ్చమైన విషయాలకి కాకుండా జీవన్మరణ సమస్యలకొరకు తమ పవిత్రమైన ప్రాణాన్నిఅర్పిస్తున్నారంటారా? మరి నిలబడి ముందుకి వచ్చి పోలీసులకు లొంగిపోవచ్చుగా?

రేపు ఓటు వెయ్యకపోతే దూకుతానని మన రాజీవశేఖరుడో, నారా బాబు గారో లేక చిరంజీవిగారో అంటే మన పరిస్థితి ఏమిటి?

వాళ్ళ చావు వాళ్ళని చావమందామా!?

ఈ వార్తని గమనించి మీతో పంచుకోవడానికి పంపిన తోటి బ్లాగరు - శ్రీ నవీన్ గార్ల గారికి కృతజ్ఞతలతో టపా మొదలువుతున్నది.